«Ulymnyń syrqatymen 4 jyl boıy kúresip kelemin. Ulyma 1 jas 8 aı kezinde sýyq tıip, JRVI-dan keıin «estý qabiletiniń 4-dárejeli tómendeýi» dıagnozy qoıyldy. Bertin kele paıda bolǵan syrqat týraly ǵalamtordan aqparattar qaraımyn, surastyramyn, basqa eldegi analarmen sóılesemin. Balasynyń syrqaty týraly aıtpaıtyn, jasyratyn analar da bar. Olar qatelesedi. Bul máselemen bólisý kerek, aıtý kerek. Dárigerler bizge kómek kórsetý tym kesh dep aıtqanymen, men qol qýsyryp otyrmadym. Balalar aýrýhanasyna portal arqyly keldik. Dáriger Arman Ábilevpen kezdeskenimde, ol balanyń taldaýlaryn qarady, eń bastysy - mıdyń samaı bóliginiń kompıýterlik tomografııasynyń qorytyndysy ekenin aıtty. Ol úshin Egordyń qulaq ishi ıiriminiń aýytqýsyz ekenine kóz jetkizý de mańyzdy boldy», deıdi balanyń anasy E.Shleı.
Nur-Sultan qalasy ákimdiginiń №2 Kópsalaly qalalyq balalar aýrýhanasy ShJQ-yndaǵy MKK otorınolarıngologııa bóliminiń meńgerýshisi Arman Ábilevtiń jetekshiligimen dárigerler brıgadasy aımaqtan kelgen 6 jasar balaǵa MÁMS júıesinde biregeı ota jasady.
Aıta ketsek, aýrýhananyń otorınolarıngologııa bólimi Nur-Sultan qalasynyń balalaryna táýlik boıy josparly jáne shuǵyl kómek kórsetedi jáne jaqyn mańdaǵy aýdandarda turatyn balalarǵa shuǵyl kómek kórsetedi.
Bólim medısınalyq apparattarmen jáne medısınalyq qural-jabdyqtarmen tolyqtaı jabdyqtalǵan. Aýrýhanada LOR aýrýlary kezindegi shuǵyl jáne josparly otalardyń negizgi túrleri, sonyń ishinde murynmańy qýystaryna az ınvazıvti otalar (FESS hırýrgııasy), keńsiriktiń qısaıýyn endoskopııalyq hırýrgııalyq jolmen túzetý, keńsirik isigin (polıp), muryn ózeginiń jylaýyǵy (kısta) men tamaq-kómeı isigin (adenoıd) alý, tonzıllektomııa, estý qabiletin jaqsartý otalary: barlyq túrdegi tımpanoplastıka, ortańǵy qulaqtyń holestatomasyna radıkaldy antromastoıdektomııa, sondaı-aq kohlearlyq ımplantasııa sııaqty joǵary tehnologııalyq medısınalyq qyzmetter jasalady.
