Qalalyq Polısııa departamenti málimetinshe, prosessıng ortalyǵynyń eki qyzmetkeri sot sanksııasymen qamaýǵa alynǵan. Shymkentte osy shema boıynsha qazaqstandyq esepke qoıylǵan 53 avtokólikten memleketke 320 mıllıon teńgeden asa somaǵa zalal keltirilgen.
«Ishki ister mınıstrligi quqyqqa qarsy is-áreketter jasaýǵa yqpal etken sebep pen jaǵdaıdy joıý boıynsha aldyn alý sharalaryn iske asyryp jatyr. Jedel-izdestirý is-sharalary barysynda Shymkenttegi IIM ortalyq apparatynyń qyzmetkerleri jaqyn shetelden kedendik tólemderdi, kádege jaratý alymyn jáne memlekettik bajdy tólemeı ákelingen kólik quraldaryn Qazaqstan Respýblıkasynda zańsyz esepke qoıý shemasynyń jolyn kesti», delingen habarlamada.
Qazirgi ýaqytta IIM Ishki qaýipsizdik basqarmasy jeti oblysta sońǵy úsh jylda eki myńnan asa kólik zańsyz tirkelip, 10 mıllıard teńgeden asa shyǵyn keltirgen derekter boıynsha qylmystyq isterdi tergep jatyr.
