«Qazaqstanda koronavırýs ınfeksııasymen syrqattanýdyń ósýi baıqalady. Sońǵy eki aptada aldyńǵy eki aptamen salystyrǵanda aýyrǵan adamdardyń sany (10 714 jaǵdaıdan 34 550 jaǵdaıǵa deıin) 3,2 esege ósti. О́sý barlyq óńirlerde baıqalady. Baǵalaý matrısasy boıynsha, Nur-Sultan qalasy sary aımaqta, qalǵan óńirler jasyl aımaqta tur», dedi mınıstr Ortalyq kommýnıkasııalar qyzmetinde ótken brıfıngide.
Onyń málimeti boıynsha, qazir vırýstyń bul túri jeńil ótip jatqanymen birneshe sanattaǵy adamdar úshin áli de qaýipti bolyp otyr.
«Táýligine koronavırýs ınfeksııasynyń oń nátıjesimen 3000 jaǵdaıǵa deıin tirkelip otyr. Koronavırýs ınfeksııasynyń qazirgi túrinde aýrý jeńil ótedi. Biraq aýrýdyń qatań túrimen aýyratyndarǵa, júkti áıelder, 60 jastan asqan adamdar, sozylmaly qosa júretin aýrýlary bar naýqastar, KVI-ǵa qarsy egilmegender jatady», dedi Ajar Ǵınııat.
