Forým 19 tamyzǵa deıin jalǵasady jáne dál osy kúni qorytyndy plenarly otyrys ótedi.
Eki apta boıy paneldik sessııalarda pedagogter mektepke deıingi, orta, qosymsha, tehnıkalyq jáne kásiptik bilim berýdegi ózekti máselelerdi, balalardyń quqyqtaryn qorǵaý jáne bilim berý sapasyn qamtamasyz etý máselelerin talqylaıdy.
«Tamyz konferensııasynyń maqsaty – pedagogıkalyq qaýymdastyqpen dıalog ornatyp, bilim berý salasyndaǵy problemalardy, mektepke deıingi, orta, tehnıkalyq jáne kásiptik bilim berý sapasyn arttyrý máselelerin talqylaý. Sondaı-aq jańa oqý jylynyń basymdyqtary men negizgi mindetteri aıqyndalady. Sharaǵa jańashyl pedagogter, bilim berý uıymdarynyń úzdik jetekshileri, sarapshylar men ata-analar qaýymynyń ókilderi qatysady. Spıkerler dóńgelek ústelder, sheberlik sabaqtary men prezentasııalar ótkizedi», dedi Oqý-aǵartý mınıstrligi Mektepke deıingi jáne orta bilim komıtetiniń tóraǵasy Gúlmıra Kárimova.
Paneldik seksııalar men plenarly otyrystyń materıaldary barlyǵyna qoljetimdi bolýy úshin mınıstrliktiń saıtynda jáne áleýmettik jelilerde ornalastyrylady. Forýmnyń plenarly otyrysy mınıstrliktiń Facebook, Instagram jáne YouTube jelisindegi paraqshalarynda kórsetiledi.
Sondaı-aq forýmnyń plenarly otyrysynda úzdik pedagogterdi Oqý-aǵartý mınıstrliginiń vedomstvolyq nagradalarymen marapattaý rásimi ótedi.
