QR qoldanystaǵy zańnamasyna sáıkes týrıstik kompanııalar jeke kásipkerler nemese tıisti uıymdyq-quqyqtyq nysanda zańdy tulǵalar retinde tirkelýi tıis. Jeke kásipker nemese zańdy tulǵa retinde tirkeýsiz, sondaı-aq ruqsatsyz týrfırmalardyń qyzmeti zańsyz. Alaıda, ózderin týroperatorlar retinde kórsetetin, biraq týroperatorlardyń memlekettik tizilimine engizilmegen keıbir jeke kásipkerlik sýbektileriniń qoldanystaǵy zańnamany buzý faktileri jıilep ketti.
Sonymen qatar gıdter, ekskýrsovodtar jáne týrızm nusqaýshylary jumys berýshimen kelisim boıynsha jaldamaly qyzmetkerler nemese elisence portalynda habarlama jiberý arqyly jeke kásipkerler retinde jumys isteı alady.
«Ákimshilik quqyq buzýshylyq týraly» Qazaqstan Respýblıkasy kodeksiniń 463-babyna sáıkes tirkeý, ruqsat berý, habarlama jiberý mindetti bolǵan jaǵdaılarda, tirkeýsiz, ruqsatsyz, sol sııaqty habarlama jibermeı kásipkerlik nemese ózge de qyzmetpen aınalysý, sondaı-aq áreketterdi (operasııalardy) júzege asyrý, eger bul áreketterde qylmystyq jazalanatyn is-áreket belgileri bolmasa, ákimshilik quqyq buzýshylyqtar jasaý zattary jáne (nemese) quraly tárkilene otyryp ne onsyz, jeke tulǵalarǵa – on bes, laýazymdy adamdarǵa, shaǵyn kásipkerlik sýbektilerine nemese kommersııalyq emes uıymdarǵa – jıyrma bes, orta kásipkerlik sýbektilerine – qyryq, iri kásipkerlik sýbektilerine bir júz elý aılyq eseptik kórsetkish mólsherinde aıyppul salýǵa ákep soǵady, al lısenzııasyz kásipkerlik nemese ózge de qyzmetpen aınalysý ákimshilik quqyq buzýshylyq jasaý nátıjesinde alynǵan kiristi (dıvıdendterdi), aqshany, baǵaly qaǵazdardy qosymsha tárkileýge ákep soǵady», delingen TIK habarlamasynda.
Qazaqstan Respýblıkasynyń týrızm salasyndaǵy zańnamasy buzylǵan jaǵdaıda, ýákiletti organ Qazaqstan Respýblıkasynda barý arqyly tekserýler jáne profılaktıkalyq baqylaý men qadaǵalaý júrgizýge moratorıı aıaqtalǵannan keıin tekserýlerdi júzege asyrady.
О́z kezeginde alaıaqtyq jáne zańsyz qyzmet belgileri bar jaǵdaılar anyqtalǵan kezde, QR MSM Týrızm ındýstrııasy komıteti quqyq qorǵaý organdaryna olardyń quzyreti boıynsha suraý joldaıdy.
«Osyǵan baılanysty, týrıstik kompanııalarǵa júgingen kezde azamattar týragenttik qyzmet týraly habarlamanyń bolýyn jáne týroperatordyń lısenzııasynyń bolýyn teksere otyryp, barlyq qajetti qujattardy suratýy qajet. Sonymen qatar Qazaqstan Respýblıkasy Mádenıet jáne sport mınıstrligi Týrızm ındýstrııasy komıtetiniń jáne jergilikti atqarýshy organdardyń ınternet-resýrstarynda týroperatorlardyń, týragentterdiń, gıdterdiń, ekskýrsovodtardyń jáne týrızm nusqaýshylarynyń ózekti tizilimderi ornalastyrylǵan», delingen habarlamada.
