«Jyl basynan beri el aýmaǵynda eki myńnan astam páter urysy ustaldy. Onyń ishinde ár qalaǵa baryp páter tonaıtyn 95 ury bar. 194 qylmystyq top pen 2 uıymdasqan qylmystyq toptyń joly kesildi», dedi S. Jantemirov onlaın brıfıngte.
Onyń aıtýynsha, bıyl mamyr aıynda Shymkent qalasynda uıymdasqan qylmystyq top músheleri ustaldy. Olar 2021 jyldan bastap Túrkistan oblysynyń birneshe aýdanynda páter tonaýǵa qatysty 70 qylmys jasaǵan.
Sonyń ishinde 35 qylmys bıyl tirkeldi. Urlanǵan zattardy olar Shymkenttegi lombardtarǵa ótkizip otyrǵan. Keltirilgen shyǵyn somasy 100 mln teńgeden asty. Izdestirý is-sharalary kezinde úıdi buzyp kirýge arnalǵan 32 qural, 52 zergerlik buıym tárkilendi.
Budan bólek, 2022 jyldyń maýsym aıynda Oral qalasynda qylmys jasap jatqan jerinde uıymdasqan qylmystyq top quryqtaldy. Olar 2021 jyldan beri oblys aýmaǵynda páter tonaýdy kásipke aınaldyrǵan. Kúdiktilerdiń 6 qylmysqa qatysy dáleldengen.
