Oblystyń bas dárigeri Aıdar Seıitqazınov qazir koronavırýs anyqtalǵan naýqastarda aýrý maýsymdyq tumaý tárizdi ótip jatqanyn jetkizdi. Iаǵnı PTR nátıjeleri adam boıynda ınfeksııanyń bar ekenin kórsetkenimen, zardaby aǵzada jeńil ótýde.
– Dertke shaldyqqan turǵyndar sany kúnine 80-90 adamdaı tirkelip jatyr. Olardyń basym bóligi jergilikti tirkelgen emhanalary arqyly ambýlatorlyq em qabyldaýda. Bylaı qaraǵanda maýsymdyq tumaýǵa uqsatýǵa bolady. Epıdemııalyq ahýal budan ári kúrdelenbeıdi ári stasıonarlarǵa túsetin júkteme kóbeımeıdi degen úmitimiz zor. Koronavırýs juqtyrǵandar sanynyń sońǵy kúnderi kóbeıýine jazǵy ýaqytta adamdardyń jıi jol júrip, kýrorttyq aımaqtarǵa saıahattaıtyny sebep boldy dep oılaımyz. Qazir kóp azamat jazǵy demalysta júr. О́zge qalalarǵa, memleketterge jol júrgende abaısyzda aýrý adamdarmen baılanysyp, dertke shaldyǵady, – deıdi A.Seıitqazınov.
О́ńirdegi stasıonarlarda qazirgi kúni shamamen 39 adam emdelip jatyr. Olardyń barlyǵynda sozylmaly nemese janama aýrýlary bar. Al ınfeksııalyq tósektik oryndardyń 30 paıyzy ǵana tolǵan. Emhanalar bastapqy kómek kórsetý qyzmetin kúsheıtip, mobıldi toptar táýligine ortasha eseppen 70 shaqyrtýǵa deıin barady eken. Sońǵy aptada 500-den astam turǵynǵa ambýlatorlyq em-dom kórsetilgen. Alǵashqy medısınalyq sanıtarlyq kómek kórsetý boıynsha oblystaǵy emhanalar janynda jalpy sany 140-taı mobıldi brıgada jumys isteıdi.
«Ár emhanada 1-2 mobıldik brıgada bar. Ottegi ballondary, ózge de qajetti medısınalyq qural-jabdyqtar jetkilikti. Stasıonarlar kemi 45 kúnge jetetin preparattar qorymen qamtylǵan. Polımerazdy tizbekti reaksııa (PTR) ádisimen táýligine 4 484 zertteý júrgize alatyn 9 vırýsologııalyq zerthana qyzmet etip tur. Stasıonarlyq emdeýdegi áıelderdiń sany – 9 adam, jaǵdaıy aýyr naýqastar joq», deıdi óńirlik densaýlyq saqtaý basqarmasy mekemeleriniń strategııalyq damytý jáne ınnovasııalyq tehnologııalar bólimi basshysynyń mindetin atqarýshy Erǵaly Asylbek.
Búginde aımaqta vaksınanyń úsh túri bar. Turǵyndar QazVac, Vero cell jáne «Komırnatı» vaksınalaryn saldyra alady. Halyqty jappaı ımmýndaý sharasy boıynsha óńirdegi kórsetkishter jaman emes. Vaksınanyń I komponentin óńir halqynyń 77,3 paıyzy, II komponentin 75,5 paıyzy saldyrǵan. Al 42 paıyzy qaıta vaksınalaýdan ótti.
Murat QAPANULY,
«Egemen Qazaqstan»
Pavlodar oblysy
