«Memleket basshysy memlekettik organdardyń azamattarmen dıalogyn kúsheıtý úshin jyl saıyn halyqpen turaqty kezdesý ótkizýdi tapsyrdy. Bul - «Jańa Qazaqstandy» qurý jolyndaǵy basty qadamdardyń biri. Bıyldan bastap ortalyq jáne jergilikti atqarýshy organ basshylarynyń óńirlerge baryp, halyqpen júzbe-júz kezdesý ótkizýdiń jańa tártibi júzege asyp jatyr. Prezıdenttiń «Ortalyq atqarýshy organdar basshylarynyń halyqpen kezdesýler ótkizý týraly» Jarlyǵy qabyldandy», dedi Asqar Omarov.
Mınıstrdiń aıtýynsha, memlekettik organdardyń usynystary negizinde 2022 jylǵa arnalǵan ortalyq atqarýshy organdar basshylarynyń halyqpen kezdesýler kestesi quryldy.
«Sonymen qatar mınıstrlik halyqpen kezdesýler ótkizý boıynsha ádistemelik usynymdar ázirledi. Olar buıryqpen bekitilip, memlekettik organdardyń nazaryna jetkizildi. Aqparat jáne qoǵamdyq damý mınıstrligi men ortalyq atqarýshy organdar ózara jedel is-áreketter jasaý úshin WhatsApp messendjerinde toptyq-chat quryldy. Munymen qosa, Jarlyq talaptaryn eskere otyryp, memlekettik organdardyń halyqpen ótkizgen kezdesýleri boıynsha aqparat usynýdyń biryńǵaı formasy ázirlendi», dedi vedomstvo basshysy.
