«Baqyt – kópqyrly uǵym» – deıdi jas ánshi Darııa Ǵabdýll

Án kóp, ánshi kóp. Ánshi jasap shyǵarýshylar kóp. Elimizde osydan birneshe jyl buryn bastalǵan «Sýperstar», «H-faktor» mýzy­kalyq baıqaýlary oryndaýshy­lardyń tutas bir tolqynyn sahnaǵa shyǵarǵany este. Tabıǵı daryny bar tasty jaryp shyqty, joǵy orta joldan qaıtty. Solar­dyń biri – «H-faktor» mýzy­kalyq baıqaýynyń alǵashqy jeńim­pazy, márede marqum Mádına Eralıevanyń oryn­­­daýyndaǵy ádemi án «Aıqara­kózdi» móldirete oryndaýymen este qalǵan Darııa Ǵabdýll. Darııa mýzykalyq óner bakalavry mamandyǵynyń úzdigi. Jýyrda jas ánshige ózimizdi qyzyqtyrǵan saýaldardy qoıǵan edik. – Darııa, seni alǵashqy «H-faktor» jeńimpazy re­tinde tanı­myz. Jobadan keıin­gi shyǵarma­shylyǵyń qa­laı órbidi? «Sony Music» kom­­pa­­nııa­symen arada jasal­ǵan ke­lisimshart saǵan qandaı múm­kin­dikterge jol ashty? – «H-faktor» mýzykalyq baıqaýy­nyń sharty boıynsha baıqaý jeńimpazy «Sony Music» halyqaralyq dybys jazý kompa­nııasymen kelismshartqa oty­rý quqyn alatyny aldyn ala ja­rııalanǵan bolatyn. Bul – ataqty Beıonse, Ýıtnı Hıýston, Djordj Maıkl, Krıstına Agılera, Shakıra, Brıtnı Spırs, Leona Lıýıs sekildi oryndaýshylar óz kompozısııalaryn jazýǵa kelisimshartqa otyrǵan bıik talǵamdy, joǵary sapaly dybys jazý kompanııa­sy. Menimen arada jasalǵan kelisimshart olardyń Ortalyq Azııa aımaǵy men Qazaqstan atynan shyǵatyn alǵashqy oryndaý­shymen birinshi ret jasap otyrǵan kelisimsharty eken. Bul meniń ómirim­degi eń alǵashqy kelisimshart boldy. Sondyqtan sol sátte meniń jan dú­nıemde ne bolyp jatqanyn sózben aı­typ jetkizý múmkin emes edi. Eki jyl­ǵa sozylǵan bizdiń áriptestigimiz je­misti – «An affair» («Súıemin»), «More» («Bári meniń qolymda»), «Take my love» («Biz bólinbeıtin jandar­myz») se­kildi úsh ánniń tusaýy kesil­di. Alǵashqy ánge Polshada klıp túsir­dik. Jaqsy jandarmen tanystym. Maq­satym kóp. Oılastyrǵan jobalarym da bar. – «H-faktor» mýzykalyq baıqaýy ómirińe qanshalyqty ózgeris ákeldi? – Mýzykalyq baıqaý ózim bala jastan armandaǵan úlken sahnaǵa jol ashty. Kóptegen dostar, jasy úlken áriptester taptym, jaqsy adamdarmen tanystym. Iá, Almaty qalasy meniń armandaryma qol jetkizýge múmkindik berdi. Úlken saraılarda án shyrqadym. «H-faktor» jobasy sahna qasıetin uqtyrdy. – О́ziń qatysqan «Slavıan bazary» jobasy qalaı ótti? Jeńimpazdar qatarynan kóriný maqsatyń oryndaldy ma? –  «Slavıan bazary» ómirimdegi «H-faktor» mýzykalyq jobasynan keıingi ekinshi baspaldaq boldy. Bul – belgili, joǵary deńgeıdegi ha­lyqaralyq konkýrs. Osynyń barly­ǵyn óz kózimmen kórip, túsiný baqyty buıyrdy. Ár elden kelgen, jeńimpaz bolǵysy keletin 20 myqty ánshiniń ishinen aldyńǵy orynda kórindim. Budan da joǵary baǵaǵa qolym jetýshi edi, tek men jibergen qatelikterimdi túsindim. Osy jerde burynǵy ustazym A.Shevchenkonyń sózi esime túsip otyr, «biz ala almaǵan asý, tek shyńdaı túsedi». Jeńimpaz atanǵan ánshilerden jeńilý maǵan uıat emes, onyń ústine meniń kózqarasym boıynsha bas júldeni armenııalyq ánshi Rýslannyń alǵany áldeqaıda ádildirek bolar ma edi degen oı qaldy. Barlyq ánshiler – myqty oryndaýshylar. О́z eliniń úki­le­gen úmitteri, moıyndalǵan myq­ty­lary. Olarmen kezdesip, ár el­diń má­denıetimen tanysqanyma rıza­myn. – Bos ýaqytyńdy qalaı ótkizesiń? –  О́ziń unatatyn ispen aına­lyssań, bos ýaqytyń da osy iske arnalady eken. Bos ýaqytymdy paıdasyz ótkizbeýge tyrysamyn. О́leń, án jazamyn. Mýzykalyq ádebıetterdi oqımyn. Qazir aınalysyp jatqan isterimniń barlyǵy da bolashaqta qajetti, kerek dúnıeler. – Qasyńnan qandaı jaqsy qasıeti bar erdi kórgiń keledi? – Adal, senimdi ári tárbıeli. О́ıtkeni, osy úsh qasıet kez kelgen jandy sıpattap, bir-birine tyǵyz baılanysty dep oılaımyn. Áńgimelesken Venera TÚGELBAI, «Egemen Qazaqstan».