Bilim • 11 Tamyz, 2022

400 myńnan asa bala memleketten materıaldyq kómek alady

282 ret kórsetildi

Halyqtyń áleýmettik osal sanatyndaǵy 400 myńnan asa bala memleketten qarjylaı qoldaýǵa ıe bolmaq. Bul kómek balalarǵa «Jalpyǵa mindetti bilim berý» qory arqyly kórsetiledi. Balalar jylynda Memleketten beriletin osy materıaldyq kómektiń kólemi artty.

Oqý-aǵartý mınıstrligi «Jalpyǵa mindetti bilim berý» qory aıasynda oqýshylarǵa kórsetiletin materıaldyq kómek erejelerine ózgerister engizdi. Buǵan deıin bólingen soma 17 myńnan 40 myń teńgege deıin bolǵan. Endi kómek mólsheri eń tómengi kúnkóris deńgeıinen, ıaǵnı 37 389 teńgeden tómen bolmaýy kerek.

Sondaı-aq jergilikti atqarýshy organdardyń usynysymen kómek kórsetý tetigine de ózgerister engizildi. Budan bylaı aqsha ata-analarǵa balalarymen birge mektep formasyn, aıaqkıimin, keńse taýarlaryn jáne t.b. óz betinshe tańdaı alýy úshin beriledi. Buǵan deıin munyń barlyǵyn ákimdikter satyp alatyn jáne taýardyń kólemine, sapasyna jáne t.b. baılanysty máseleler týyndaıtyn edi.

«Oqý-aǵartý mınıstrliginiń ókilderi kópbalaly analarmen bir emes, birneshe ret kezdesip, ákim­dik­ter­men máselelerdi talqylap, olardyń tilekterin eskere otyryp, áleýmettik osal balalarǵa kómek kórsetý erejelerin ózgertýge bastama jasady. Ata-analardyń shotyna aqsha tikeleı túsip, mektep formasyn, keńse taýarlaryn jáne balalarǵa arnalǵan aıaqkıimdi óz betinshe tańdaı alýy úshin zańnamaǵa túzetýler engizdik. Munyń artyqshylyǵy – bala ata-anasymen birge ózi tańdaǵan kıimmen mektepke bara alatynynda. Buǵan deıin satyp alýmen ákimdikterdiń qyzmetkerleri aınalysty. Osyǵan baılanysty jyl saıyn kıimniń kólemine, sapasyna qatysty máseleler týyndap, balalar onymen júrýge uıalatyn. Bıyl ákimdikter qarjylaı kómek alýǵa tıisti barlyq balaǵa keminde 37 389 teńge kóleminde qarajat bóledi. Bul eń tómengi soma, al buryn somalar ártúrli boldy – 17 myń, 20 myń jáne 25 myń teńgege deıin jetýi múmkin edi. Búgingi tańda eń tómengi mólsherden artyq qarjy bóletin jergilikti atqarýshy organdar da bar. Biz buny tek quptaımyz. Qarajattyń ulǵaıýy bul kómekti alatyn 418 myńnan asa balaǵa oń áser etedi», dedi Balalardyń quqyqtaryn qorǵaý komıteti tóraǵasynyń orynbasary Dýlat Jekebaev.

Memleketten beriletin bul materıaldyq kómek «Jalpyǵa mindetti bilim berý» qorynyń aıasynda ataýly áleýmettik kómek (AÁK) alatyn otbasylardyń balalaryna, sondaı-aq AÁK almaıtyn, biraq jan basyna shaqqandaǵy ortasha tabysy kúnkóris deńgeıinen tómen otbasylardyń balalaryna kórsetiledi. Sondaı-aq jańa oqý jyly qarsańynda jetim jáne ata-anasynyń qamqorlyǵynsyz qalǵan balalar, tótenshe jaǵdaıǵa tap bolǵan oqýshylar jáne t.b. materıaldyq kómek alady.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar