Medısına • 11 Tamyz, 2022

Alýan aýrýdy anyqtaıtyn apparat

428 ret kórsetildi

Atyraý oblystyq aýrýhanasynda alýan túrli aýrýdy anyq­taı­tyn FibroScan apparaty iske qosyldy. Endi bul apparatpen baýyrdyń zaqymdanýyn, sırroz ben onkologııalyq aýrýdyń belgisin anyqtaýǵa jol ashylyp otyr. Jańa apparatty «Teńizshevroıl» JShS demeýshilik kómekpen alyp berdi.

Oblystyq aýrýhananyń fýnksıonaldy dıagnostıka dárigeri Altynaı Nuryshevanyń aıtýynsha, osyndaǵy gepotologııalyq ortalyqta mundaı apparat alǵash ret 2013 jyly alynǵan. Al jańa appa­ratpen endi balalardaǵy syr­qatty anyqtaýǵa múmkindik ja­salyp otyr.

– ǴibroScan – baýyrdyń za­qym­­daný deńgeıin durys baǵa­laý­ǵa, boljaýǵa, aǵzadaǵy sozyl­ma­ly dıffýzdyq aýrýlardyń dınamıkasyna, ıaǵnı gepatıttiń órshýi men onyń sırrozǵa aýysýyna baqylaý júrgizetin apparat. Jańa apparatpen baýyrdaǵy onkologııalyq aýrýdyń oshaǵy da anyqtalady, – deıdi Altynaı Nurysheva.

Onyń aıtýynsha, aýrý belgi­le­rin anyqtaý esh jaraqatsyz ári qaýipsiz júrgiziledi. Naýqasqa zert­teý júrgizýdiń keri áseri joq. Pa­sıentti aldyn ala tekserý, da­ıyndaý, stasıonarǵa jatqyzý qajet emes.

– Jergilikti dárigerdiń joldamasymen kelgen ár adam jańa apparattan tekserýden óte alady. Tekserý 10-15 mınýtqa sozylady. Onyń nátıjesi pasıentke birden beriledi. Al baýyrdy fıbroskanerleý birneshe ret júrgizilýi múmkin. Mundaı tekserýdiń dıspanserlik baqylaý men terapııanyń tıimdiligin qadaǵalaý kezinde mańyzy zor, – deıdi A.Nurysheva.

 

Atyraý oblysy

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar