Qoǵam • 11 Tamyz, 2022

Almatyda 280 oryndyq eki memlekettik balabaqsha salynady

367 ret kórsetildi

Almatynyń Áýezov aýdanynda 280 oryndyq eki memlekettik balabaqsha salynady. Bul týraly qala ákimi Erbolat Dosaev turǵyndarmen kezdesý kezinde málim etti, dep habarlaıdy Egemen.kz.

Shahar basshysy atap ótkendeı, aýdannyń negizgi ózekti máselesi áleýmettik ınfraqurylym.

«Bıyl Áýezov aýdanynda 1 mektep ashý, 3 mektepti keńeıtý jáne 2 jańa bilim ordasyn jobalaý josparlanǵan. Mektepke deıingi mekemelerde oryn tapshylyǵyn azaıtý úshin aýdanda 280 oryndyq 2 memlekettik balabaqsha salynady. Birinshi balabaqsha boıynsha 120 oryndy «Altyn besik» shaǵynaýdanyndaǵy balabaqshanyń qurylys-montaj jumystary 2023 jyldyń birinshi toqsanyna josparlanǵan. Ekinshi balabaqsha boıynsha shaǵynaýdandaǵy 160 oryndyq balabaqsha úshin osy jyldyń 10-shy mamyrynda qaraýsyz qalǵan balabaqsha ǵımaraty satyp alyndy», deıdi Almaty ákimi Erbolat Dosaev.

Aıtýynsha, qurylys jumystary memlekettik saraptamadan jáne qoldanystaǵy ǵımaratty buzǵannan keıin bastalady. Iаǵnı, 2023 jyly.

Búgingi kúni Almatyda balabaqsha kezeginde 43 myńnan astam bala tur.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar