Qoǵam • 11 Tamyz, 2022

Ata-analar jekemenshik balabaqshalarǵa shaǵymdanyp jatyr

36 ret kórsetildi

Oqý-aǵartý mınıstrligine tárbıeshilerdiń balalarǵa qol jumsaýyna, sondaı-aq balabaqshada balalarǵa jasalǵan sapasyz jaǵdaıǵa, keıbir jekemenshik balabaqshalardyń josyqsyz jumysyna qatysty shaǵymdar túsip jatyr, dep habarlaıdy Egemen.kz.

Ata-analar balabaqshalardyń qyzmetin eshkim rettemeıtinin aıtyp, shara qoldanýdy talap etip jatyr. Máselen, Qostanaı qalasynda balabaqsha tárbıeshisi úsh jasar búldirshindi qatty tartyp jibergen, nátıjesinde onyń súıegi synyp ketken. Tárbıeshi jumystan shyǵaryldy, al balabaqsha dırektory ákimshilik jaýapqa tartyldy.

Oral qalasyndaǵy jekemenshik balabaqshada da uqsas jaǵdaı bolǵan, onda tárbıeshi kishkentaı qyzǵa qol kótergen.

Jaqynda Oraldaǵy taǵy bir jekemenshik balabaqshanyń tárbıeshisine qatysty shaǵym kelip tústi. Balalar ata-analaryna tárbıeshiniń urǵanyn aıtyp barǵan. Tárbıelenýshilerdiń aıtýynsha, tárbıeshi «apaılar» olardy birneshe aı boıy uryp-soǵyp kelgen. Balalar tárbıeshisinen qoryqqandyqtan osy ýaqytqa deıin ata-analaryna eshteńe aıtpaǵan. Balabaqsha qyzmetkerine qatysty qylmystyq is qozǵaldy.

Bilim berý salasyndaǵy sapany qamtamasyz etý jónindegi aýmaqtyq basqarmalarǵa balabaqshadaǵy búldirshinderdiń túrli jaraqattary týraly aqparat kún saıyn túsip jatqany anyqtaldy.

Qyzylorda qalasyndaǵy jekemenshik balabaqshada búldirshinderdi qaraýsyz qaldyrý faktileri tirkeldi. Dalaǵa óz betimen shyǵyp ketken balalardy qalanyń turǵyndary taýyp alǵan. Dál osyndaı jaǵdaı elordalyq balabaqshada da oryn alǵan eken. Tárbıeshiler tártiptik jaýapqa tartyldy.

«Quqyq buzýshylyqtardyń sanyn azaıtý jáne balabaqshalardyń jumysyn retke keltirý úshin biz lısenzııa berý tártibin engizýdi qolǵa alyp otyrmyz. Bul balalardyń balabaqshadaǵy qaýipsizdigin jaqsartady. Eger balabaqsha talapqa saı bolsa, onda qysqa ýaqyt ishinde sıfrly lısenzııa alady. Al eger saı bolmaı shyqsa, kemshilikterdi joıýǵa ýaqyt beriledi. Lısenzııa berý talaptary qarapaıym. Odan qorqýdyń qajeti joq. Jumys istep turǵan balabaqshalardyń basym kópshiligi lısenzııany ońaı ala alady. Biz balalardy sapaly mektepke deıingi tárbıe men oqytýmen qamtamasyz etýge múddelimiz», dedi Oqý-aǵartý mınıstrligine qarasty Bilim jáne ǵylym salasyndaǵy sapany qamtamasyz etý komıtetiniń tóraǵasy Gúlzat Kóbenova.

Sońǵy jańalyqtar

Qosymshanyń kómegi eleýli

Qoǵam • Búgin, 23:07

Qazaq dıasporasynyń qaıratkeri

Tarıh • Búgin, 23:01

Ormanmen syrlasqan ǵalym

Aımaqtar • Búgin, 22:59

Koreı teatrynyń torqaly toıy

Teatr • Búgin, 22:58

Lývrda qalǵan shyraǵdan

Suhbat • Búgin, 22:56

EcoStudentKZ: Jastar judyryqtaı jumyldy

Ekologııa • Búgin, 22:52

Sheberler sherýi

О́ner • Búgin, 22:50

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Uqsas jańalyqtar