Baqytgúl Hamenovanyń advokaty Igor Vranchev sottan óz klıentiniń bultartpaý sharasyn ózgertýdi, ony tergeý ızolıatorynan úı qamaǵyna aýystyrýdy surady. Sondaı-aq aıyptalýshy men onyń anasynyń densaýlyǵyn eskerýdi, kámeletke tolmaǵan balalarynyń baryn alǵa tartty.
Bul ótinishti basqa aıyptalýshylardyń advokattary qoldady. О́zge aıyptalýshylar tarapynan ótinishhatqa baılanysty narazylyq bolǵan joq.
Atyraý oblystyq prokýratýrasy basqarmasynyń prokýrory, kishi ádilet keńesshisi Laýra Asanova sottan ótinishti qanaǵattandyrýdan bas tartýdy surady. Sot advokattyń ótinishine qatysty ázirge naqty sheshim shyǵarǵan joq.
Eske sala keteıik, búgin Baqytgúl Hamenovaǵa qatysty sot otyrysy ótip jatyr.
Baqytgúl Hamenova men Aqylbek Rysqalıevtyń isi QR Qylmystyq kodeksiniń 366-babynyń 3-bóliginiń 3-tarmaǵymen tergelgen. Al, «Balqytý» JShS dırektory О́mirtaı Adamov QR Qylmystyq kodekstiń 367-babynyń 2-bóligimen tergeýge alynǵan.
Baqytgúl Hamenovanyń isine qatysty aıyptaý aktisi 55 betti quraǵan.
