Qazaqstan • 11 Tamyz, 2022

BUU Qazaqstanda Álemdik jáne dástúrli dinder lıderleriniń Sezin ótkizýdi qoldady

38 ret kórsetildi

BUU Bas Assambleıasy 76-sessııasynyń tóraǵasy Abdýlla Shahıd Qazaqstannyń dinaralyq jáne órkenıetaralyq dıalogty qalyptastyryp, ony nyǵaıtýǵa qosyp otyrǵan úlesi men osy baǵyttaǵy jumysynyń mańyzyn joǵary baǵalady, dep habarlaıdy Egemen.kz Palatanyń baspasóz qyzmetine silteme jasap.

QR Parlamenti Senatynyń spıkeri Máýlen Áshimbaev BUU Bas Assambleıasy 76-sessııasynyń tóraǵasy Abdýlla Shahıdpen kezdesti.

Máýlen Áshimbaev 30 jylda Qazaqstan men Birikken Ulttar Uıymy arasynda tyǵyz qarym-qatynas ornaǵanyn atap ótti. Sondaı-aq, ol BUU-men yntymaqtastyq elimizdiń syrtqy saıasattaǵy negizgi basymdyǵy ekenin atap ótti.

«Memleket basshysy tarapynan turaqty damý máselelerine aıryqsha mán berilip keledi. Qazaqstannyń ulttyq basymdyqtary BUU-nyń 2030 jylǵa deıingi Turaqty damý maqsattarymen jáne baǵdarlamasymen tyǵyz baılanysty. Uıym belgilegen maqsattar bizdiń strategııalyq qujattarmen jáne baǵdarlamalarmen ıntegrasııalanǵan», dedi Máýlen Áshimbaev.

Senat Spıkeri BUU Bas Assambleıasy 76-sessııasynyń tóraǵasyna Qazaqstanda el Prezıdenti Qasym-Jomart Toqaevtyń bastamasymen júrgizilip jatqan reformalar týraly aıta ketti. Konstıtýsııaǵa ózgerister men tolyqtyrýlar engizý boıynsha ótkizilgen referendýmnyń nátıjesi Memleket basshysynyń jańǵyrý baǵdaryn qoldaǵan kórsetkishterdiń biri ekeni aıtyldy.

О́z kezeginde Abdýlla Shahıd Qazaqstanda júrgizilip jatqan reformalar der kezinde qolǵa alynǵanyn jáne olar eldiń odan ári damýyna aıtarlyqtaı úles qosatynyna senim bildirdi.

Sonymen qatar, suhbattasýshylar aldaǵy ýaqytta elordada ótetin Álemdik jáne dástúrli dinder lıderleriniń VII Sezine toqtaldy. Kezdesý barysynda atalǵan Forýmnyń álemdik dinder men halyqtardy jaqyndastyrý jáne toleranttylyq ıdeıalaryn ilgeriletý isinde mańyzdy ról atqaratyny aıtyldy. Sezd Hatshylyǵynyń Basshysy Máýlen Áshimbaev qatysatynyn rastaǵandar qatarynda BUU qurylymyna kiretin BUU О́rkenıetter Alıansy men Parlamentaralyq Odaq basshylary da bar ekenin jetkizdi.

Aıta ketsek, Sezd aıasynda BUU Bas Hatshysy Antonıý Gýterrısh beıneúndeý jasaıdy dep kútiledi.

«Sezd qorytyndysy boıynsha Deklarasııa qabyldanady. Qujatta álemdik jáne dástúrli dinder lıderlerin uzaq merzimdi turaqtylyq pen beıbitshilikke qol jetkizý prosesine belsendi jumyldyrýǵa qatysty birqatar mańyzdy erejeler qamtylady», dedi Máýlen Áshimbaev.

О́z sózinde Abdýlla Shahıd Qazaqstannyń dinaralyq jáne órkenıetaralyq dıalogty qalyptastyryp, ony nyǵaıtýǵa qosyp otyrǵan úlesi men osy baǵyttaǵy jumysynyń mańyzyn joǵary baǵalady. Ol BUU tarapynan Sezge qoldaý kórsetilgenin atap ótip, qazirgi tańda din lıderleriniń róli álemdi odan ári damytý jáne jahandyq dıalog mádenıetin nyǵaıtý úshin óte mańyzdy ekenine nazar aýdardy.

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar