Aımaqtar • 12 Tamyz, 2022

«Altyn taı» Aıagózdiń enshisinde

62 ret kórsetildi

Sóreden sýyrylyp shyqqan 45 taıdyń ishinen máre syzyǵyn birinshi bolyp Aıagóz aýdanynyń Aqbastaý atty taıy kesti. Katonqaraǵaıda ótip jatqan «Shyǵystyń altyn taıy-2022» báıgesine Abaı, Almaty men Jetisý, Batys Qazaqstan, Qaraǵandy oblystary men Nur-Sultan qalasynan kelgen atbegiler 100-den astam tulpardy topqa qosty.

At dúbiri estilse, ózge isin ysyra sala ıppodromǵa aǵylar el búgin de Katon­qaraǵaıdyń atshabarynan tabyldy. Qazan kóterildi, qymyz sapyryldy... Aýyz­dyqtaryn qarsh-qarsh shaınaǵan sáıgúlikterdi tizimdegenshe jınalǵan el jergilikti ánshilerdiń konsertin tamashalady. Sahnaǵa «Jeruıyq» ansambli shyqqanda, halyq uzaq shapalaq soǵyp, erekshe qoshemet kórsetti. Erekshe qur­met bildirgeni, «Jeruıyq» tobynyń músheleri jıyrma jyl buryn tarasyp ketken edi. Esti de eski ánderin kórer­­­meni ábden saǵynysypty. Bile­tin shyǵarsyzdar, «Azııa daýysy» festıvalinde Qazaqstannan júldege ilin­gen eki ansambl bolsa, sony biri «Jer­­­uıyq», ekinshisi «Roksanakı» toby edi.

Sonymen, taı tizgindegen balalar dúr etip shaba jóneldi. Shapqan toptyń sońynan shubatyla shań qaldy. Bes jarym shaqyrymdy birinshi basyp ótkeni kóliktiń kiltine ıe bolady. Bul dúbirli dodaǵa Katonqaraǵaıdyń márt azamattary eki kólik jáne aqshalaı syılyqtar tikti. «Shyǵystyń Altyn taıy-2022» dúbirli dodasynda tulparlar taı jarysy, jorǵa, qunan báıge, top báıge jáne alamannan synǵa tústi. 

Aıta keterligi, taı jarysqa toǵyz júlde taǵaıyndaldy. Byltyr ǵana jelide baılaýly turǵan qulyndar márege jaqyndaǵan saıyn taqym qysqan qalyń el qıqý qosyp, shýlaı berdi. Áne-mine degenshe máreni Aıagóz aýdanynan kelgen Dana Álıjannyń Aqbastaý atty taıy qıyp ótti. Ekinshi oryndy da aıagózdik Talǵat Tolqynbaevtyń «Aıagóz» atty sáıgúligi enshiledi. Márege úshinshi bolyp Abaı oblysy, Kókpekti aýdanynan kelgen Rýslan Shaıyrǵazınniń «Aıerke» atty taıynyń tuıaǵy tıdi. Aıtqandaı, alǵashqy kelgen toǵyz taı da júldesiz qaıtpady.

Kezek kópshilik kópten kútken ala­man­ǵa keldi. Jıyrma bes shaqyrymdy birinshi bolyp baǵyndyrmaq nıette baby men baǵy kelisken elýden astam tulpar shyqty. Kórermenderdiń biri tobylǵy tory birinshi keledi dese, endi biri kúreń qas­qa­nyń bitimi bólek dep, Kúreńbaıdaı tulparlardy synasyp, qaýqyldasyp otyrdy.

e

Sońǵy aınalym. Biri ilgeri, biri keıin, toptasa shapty tulparlar. Qara úzgen bes-alty shabandoz úzeńgi qaǵystyra máreni bir sátte qıyp ótkenimen, júzden júırik degen bar. Sonymen, sý jańa avtokóliktiń kiltin Qaraǵandydan kelgen qylquıryqtyń qanjyǵasyna baılady. Ekinshi oryn jarmalyq Dastan Toǵyzbaevtyń sáıgúligine buıyrsa, úshinshi oryndy Úrjardan kelgen Erjan Kereıbaevtyń «Amanat» atty sáıgúligi aldy.

Dúbirli toıda balýandar da atqa qonyp, aýdaryspaqqa shyqty. Bilektileri qara kúshke salsa, eptileri aılamen alyp jatty. 90 kıloǵa deıingi salmaqta Mar­qakól óńirinen kelgen Beıbit Baıtalov myqty­lyq tanytsa, 90 kılodan joǵary salmaqta Tarbaǵataı aýdany atynan shyqqan Shyńǵys Manaruly I oryn aldy. Al ekinshi, úshinshi oryndy Katonqaraǵaı aýdanynyń balýandary ıelendi. 

Jarys sońynda aýdan basshylyǵy jeńimpazdardy marapattap, aq jol, jeńisti sátter tiledi.

– Búgingi sharanyń ótýine zor úles qosyp, qoldaý kórsetken jergilikti kásipkerler men  aýdan azamattaryna alǵys bildiremin. Kelesi jyly da osyndaı sharalardy aýdanymyzda ótkizýge nıettimiz. Al «Altyn taı-2022» báıgesinde top jarǵan jeńimpazdardy shyn júrekten quttyqtaımyn! Endigi taı jarys dástúr boıynsha Aıagóz aýdanynda ótedi, – dedi Katonqaraǵaı aýdanynyń ákimi Dildar Qalıqanuly.

Esterińizge sala ketsek, byltyr Al­­ma­tyda ótken taı jarysta Katon­qa­raǵaı aýdanynyń týmasy Rýslan О́mir­bekulynyń «Aıka» atty taıy birin­shi kelgen edi. Ras, Katonqaraǵaıdan júırikter kóp shyǵady. Jýyqta ǵana Aqsýatta uıymdastyrylǵan 140 shaqy­rym­­dyq alamanda osy aýdannyń Egindi aýylynan qosylǵan tulpar top jarǵan edi.

 

Shyǵys Qazaqstan oblysy,

Katonqaraǵaı aýdany

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar