Oqıǵa • 12 Tamyz, 2022

Almatyda ájesin óltirip, úıin órtep jibergen jasóspirim sottaldy

21 ret kórsetildi

Almatyda ájesin óltirgen 18 jastaǵy jas jigit 12 jyl alty aıǵa sottaldy, dep habarlaıdy Egemen.kz.

Qalalyq prokýratýra málimetinshe, 2020 jyldyń qarashasynda Medeý aýdanyndaǵy jeke úılerdiń birinde órt shyqqan. Oqıǵa ornynan áıeldiń denesi tabylǵan. Sot-medısınalyq saraptama ólim jedel júrek-qan tamyrlary jáne tynys alý jetkiliksizdigi saldarynan bolǵanyn kórsetti. Buǵan tok soǵýy sebep bolǵan.

Saraptama qorytyndysy boıynsha, órttiń shyǵýyna elektr symynyń apatty jaǵdaıda jumys isteýi sebep bolǵan. Barlyq saraptama qorytyndysyn eskere otyryp, qylmys quramynyń bolmaýyna baılanysty sotqa deıingi tergep-tekserý toqtatylǵan.
 
«Alaıda keıin qylmystyq is materıaldaryn zerdelep, marqumnyń týystarynyń ýájin baǵalaǵan prokýrorlar qosymsha tergeý jumystaryn bastady. Qadaǵalaý organynyń nusqaýymen máıit eksgýmasııalanyp, sot-medısınalyq saraptama komıssııasy taǵaıyndaldy. Sondaı-aq basqa da birqatar tergeý áreketi júrgizildi», dep habarlady qalalyq prokýratýradan.
 
Qosymsha saraptama áıeldiń ólimine qylqyndyrý kezindegi mehanıkalyq asfıksııa sebep bolǵanyn kórsetti.
 
«Marqumnyń 18 jastaǵy nemeresi qasaqana kisi óltirdi degen kúdikke ilingen, ol óz kinásin moıyndap, sol kúni otbasylyq janjal kezinde ájesin qylqyndyryp óltirgenin aıtty. Úıdegi aqsha men zergerlik buıymdardy ıemdenip, qylmystyń izin jasyrý úshin qasaqana órt shyǵarǵan», dep atap ótti qadaǵalaý organy.
 
Sot úkimi boıynsha aıyptalýshy adam óltirgeni jáne múlkin urlaǵany úshin kináli dep tanylyp, ol 12 jyl alty aıǵa bas bostandyǵynan aıyryldy.
 
Úkim zańdy kúshine engen joq.
Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar