Jarys jolynan shyǵyp qaldy

Petropavlovskiniń «Qyzyl­jary» men Kıprdyń APOEL klýbtary arasyndaǵy oıyn Nur-Sultanda ótti. Býkmekerler de, basqalary da bul matchtyń favorıti retinde nıkosııalyq komandany atady. Aıtqandaı-aq, báseke basynan aıaǵyna deıin qonaqtardyń basymdyǵymen ótti. Olar Mıroslav Lobansev qorǵaǵan qaqpany damylsyz shabýyldady. Abyroı bolǵanda, Lobansev óte senimdi oınap, APOEL fýtbolshylarynyń esep ashýyna esh múmkindik bermedi.

Úzilisten keıin alań ıelerin biraz es jıǵandaı boldy. Biraq olar úshin kıpr­lyqtardyń aıyp alańyna enýdiń ózi qıyn­ǵa soq­ty. Eń bir este qalǵan sát – Vale­rıı Karshakevıchtiń baspen urǵan doby mań­­daıshaǵa tıgeni. Odan árige «Qyzyl­jar­dyń» áli jetpedi. Esep – 0:0. Osylaı­sha, qos oıynnyń qorytyndysy boıynsha jer­lesterimiz jarys jolynan shyǵyp qaldy.

«Tobyl» Bosnııa men Gerse­govınanyń «Zrınskıin» qabyl­dady. Bul matchtyń alǵashqy mı­nýt­tarynan qostanaılyqtar tiz­gin­di óz qoldaryna aldy. Olar jıi sha­býyldap, qarsy jaqtyń qaq­pasyna birneshe márte qaýip tón­dirdi. Sonyń birinde gol da soǵyl­dy. 34 mınýtta Marıo Chýje esep ashty. Odan keıin de «Tobyl» qar­qynyn báseńdetken joq.

Qazaqstandyq komandalar men fýtbol­shylardyń ekinshi taım­da tynystary tarylyp, bil­gen­derinen jańylatyny barsha jankúıerge málim. О́kinishke qa­raı, bul joly da dál solaı boldy. Úzilisten keıin «Zrınskıdiń» oıynshylary erkin oıqastaı bas­tady. 53 mınýtta Zoran Toshıch birneshe qorǵaýshyny aldap ótip, Serj Deblege ádemi pas berdi. Ol óz múmkindigin qalt jibergen joq. Sodan keıin de tartysty oıyn jalǵasty. Qos komanda da básekeni óz paıdasyna sheshý úshin baryn saldy. Alaıda 80 mınýtta aıyp alańynyń syrtynda dopty qolmen toqtatqany úshin Aleksandr Mokın qyzyl qaǵaz aldy. Osydan keıin-aq qo­s­tanaılyqtardyń pleı-off keze­ńine shyǵa almaıtyny anyq boldy. Nátıjesinde, bul kezdesý 1:1 esebimen teń aıaqtalyp, «Tobyl» atalǵan jarysty aıaqtady.

Sóıtip, ÝEFA Konferensııa lıga­sy­­nyń pleı-offyna shyqqan komandalar to­lyqtaı anyqtaldy.18 jáne 25 tamyz ara­lyǵynda ótetin sol básekelerde myna koman­dalar ózara kúsh synasady: «Ma­rıbor» (Slovenııa) – «Klýj» (Rýmy­nııa), RFSh (Latvııa) – «Lınfıld» (Sol­tústik Irlandııa), «Leh» (Polsha) – «Dıýdelanj» (Lıýksembýrg), «Shkýpı» (Soltústik Makedo­nııa) – «Balkanı» (Ko­so­vo), «Zrın­skı» (Bosnııa men Ger­se­go­vına) – «Slovan» (Slovakııa), SSKA (Sofııa, Bolgarııa) – «Bazel» (Shveı­sarııa), «Vadýs» (Lıhtenshteın) – «Ra­pıd» (Aýstrııa), «Rakýv» (Polsha) – «Sla­vııa» (Praga, Chehııa), APOEL (Kıpr) – «Iýrgorden» (Shvesııa), «Makkabı» (Tel Avıv, Izraıl) – «Nıssa» (Fran­sııa), «Ýnıversıtatıa» (Rýmynııa) – «Hapo­el» (Beer Sheva, Izraıl), «Istanbýl Bashakshehır» (Túr­kııa) – «Antverpen» (Belgııa), «Stıaýa» (Rýmynııa) – «Vı­kıng» (Norvegııa), «Partızan» (Belgrad) – «Ham­rýn Spartans» (Mal­ta), «Fıorentına» (Italııa) – «Tvente» (Nıderland), «Vılıar­real» (Ispanııa) – «Haıdýk» (Hor­va­tııa), «Keln» (Germa­nııa) – «Feher­var» (Majarstan), «Vest Hem» (Anglııa) – «Vıborg» (Danııa), «Iаng Boız» (Shveısarııa) – «Anderleht» (Belgııa), «Slovasko» (Chehııa) – AIK (Shvesııa), «Molde» (Nor­ve­gııa) – «Volfsber­ger» (Aýstrııa) jáne AZ
(Nı­­­der­land) – «Jıl Vısente» (Portýgalııa).