Qoǵam • 15 Tamyz, 2022

Júrek jylýyna ne jetsin?!

37 ret kórsetildi

Keshe Býrabaı baýraıynda birinshi Ortalyq Azııa volonterler forýmy ashyldy. Ilkimdi izgilikke negizdelgen, jan jadyratar jaqsy isterge uıytqy bolyp otyrǵan volonterlerdiń qatary kún ótken saıyn kóbeıip, múmkindigi artyp, qarymy molaıyp keledi.

Bul is-sharany Aqparat jáne qoǵam­dyq damý mınıstrligi uıymdastyryp otyrǵandyǵyn aıta ketelik. Negizinde forým Memleket basshysy Qasym-Jomart Toqaevtyń 2020 jyly Birikken Ulttar Uıymynyń Bas Assambleıasynyń 75-inshi sessııasynda volonterlerdi jumyldyrýdyń halyqaralyq jylyn jarııalaý jónindegi bastamasyn qoldaýǵa baǵyttalǵan. Shyn máninde volonterler úlken kúsh. Kúsh bolǵanda da júdegen kóńildi demdeıtin, túńilgen jandy jadyratatyn, kúńgirt tartqan tusta sáýle sebezgileıtin sharapaty mol.

Alǵashqy kúni «Álemdik kafe» for­ma­tyndaǵy árqıly strategııalyq sessııalar, bilim berý, ekologııa, medısına, jumysqa ornalastyrý, ınklıýzııa, buqaralyq sport, etno-eriktiler jáne basqa da birqatar baǵyt boıynsha oıyn formatyndaǵy vorkshoptar ótti.

Tabıǵaty tamyljyǵan Býrabaı baý­raıyna elimizdiń túkpir-túkpirinen jınalǵan volonterlermen birge Tájik­stan men Túrikmenstannan da kelgen ókilder bar. Jınalǵandar aldynda quttyqtaý sóz sóılegen Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet eriktilerge alǵysyn bildire kele, búgingi jıynnyń ozyq tájirıbelerdi talqylaýǵa jáne ilkimdi ister atqarylǵan izgi sharýany eksheı kele, úlgi-ónege alýǵa baǵyttalyp otyr­ǵandyǵyn atap ótti.

– Volonterlik bizdiń elimizde ómir sapasyn meılinshe arttyratyn mańyzdy áleýmettik qubylys bolyp sanalady, – dedi ol. – Bul memlekettiń áleýmettik-ekonomıkalyq damýy úshin kerek. Jalpaq álemdi jaman tumaý jaılaǵan kezde eriktilerdiń erik-jigeri aıta qalarlyqtaı kómek boldy.

Spıker dál qazirgi ýaqytta búkil álemdegi volonterlerdiń kedeıshilikti joıýǵa, pandemııaǵa qarsy atqarylyp jatqan qyrýar sharaǵa qolushyn berip, kómektesetindigine toqtaldy. Ári tórt qubylasyn tegis júrek jylýymen jylytyp, aıshýaq nur sebezgileıtin eriktiler forýmy dál búgin Túrkistanda da bastalǵandyǵyn aıtyp ótti. Onda Qyrǵyzstan men О́zbekstannyń da ókilderi bar. Jaqsy iske jany súısingen kórshi memleketterdiń Qazaqstan topyraǵynda bastaý alǵan baǵaly bas­tamany jan-jaqty qoldap, adam janyn eljiretetin ıgi isterdiń qanat jaıatyndyǵy sózsiz. Býrabaı baýraıynda jınalǵan bir qaýym el, jaqsylyq dánin seýip jatqan volonterler Túrkistandaǵy jıynǵa kóńil aýdarǵan bolatyn.

– El azamattary qaıyrymdylyq jáne áleýmettik ómirge bel býyp, bi­lek sybanyp belsendi aralasýda, – dedi Azamattyq qoǵam isteri ko­mı­­teti tóraǵasynyń orynbasary Gúl­ba­ra Sul­tanova. – Bul pikirimizge ártúr­li sport jarystaryn, izgilikke toly qaıyrymdylyq marafondaryn, emde­lýi qıyn dertke tap bolǵan balalardy qoldaý baǵdarlamalaryn, balalar úıleri men onkologııa bólimshelerinde iske asyrylyp jatqan janashyr jobalardy uıymdastyrýǵa sep bolǵan volonterlerdiń eren eńbegi dálel bola alady. Bálkim, bul istiń jappaı órkendeýi halqymyzdyń boıyndaǵy qaıyrymdylyq, izgilik, janashyrlyq sııaqty ádemi adamgershilik qasıetterge baılanysty shyǵar. Tarıhı turǵydan alǵanda elimizde ilki zamannan beri asar uıymdastyrý tárizdi ǵuryptar boldy emes pe?!

Gúlbara Beketqyzynyń aıtýyna qaraǵanda, ótken jyldyń ózinde-aq Birgemiz jobasy aıasyndaǵy is-sharalarǵa ómirlik qıyn jaǵdaılarǵa tap bolǵan balalar men jastardy qoldaý, medısınalyq, ekologııalyq baǵyttaǵy eriktilerdiń is-qımyly, materıaldyq jáne rýhanı, mádenı-tarıhı murany saqtaý, janýarlardy qorǵaý boıynsha júrgizilgen jumystarǵa uzyn-yrǵasy jetpis myńnan astam volonter qatysypty. Atalǵan salany turaqty damytý úshin 2021-2023 jyldarǵa arnalǵan volonterlikti damytýdyń Jol kartasy ázirlengen. Qazirgi ýaqytta memlekettik organdarmen volonterlik qozǵalysty uıymdastyrýshylardyń arasyndaǵy ózara is-qımyldyń zamanaýı júıesin qurý baǵytynda jumys júrgizilip jatyr.

– Biz muqtaj jandardyń barlyǵyn qol­daýǵa kómektesetin jańa ınnova­sııalyq tásilderdi paıdalanamyz, – dedi Azamattyq qoǵam isteri komıteti tór­aǵasynyń orynbasary Gúlbara Sultanova.

Volonterlerdiń ulan-ǵaıyr jumy­syn oqyrmannyń kóz aldyna elestetý úshin naqty derekter keltire ke­teıik. Uıymdar men toptardyń sany úsh esege ulǵaıyp, búgingi kúni 600-ge jetken. Turaqty volonterler de tórt ese kóbeıip, 200 myńnan astam adamdy biriktirip otyr. Ilkimdi izet, júrek tebirenter qaıyrymdylyq is-sharalarynyń arqasynda osynshama is tyndyrylyp otyr. Forýmnyń ekinshi kúni qatysýshylar «О́z ıdeıańmen bólis» taqyryby aıasynda óz óńirlerinde atqarylyp jatqan san alýan volonterlik jumys týraly tarqatyp aıtyp bermek. Bul qadam ózara yntymaqtastyqqa, jańa birlesken jobalardy qurýǵa, túptiń túbinde halyqaralyq deńgeıge shyǵýǵa múmkindik beredi. Tórt baǵyt boıynsha aýqymdy aksııalar qolǵa alynady. Onyń ishinde tabıǵatqa qamqorlyq, ıaǵnı senbilikter uıymdastyrylady.

Jumys kóp, baǵyt aıqyn. Sóz sońynda Aqmola oblysynda atqarylǵan izgi sharýalar týraly aıta ketkenimiz artyq bolmas. Uly isterdiń osyndaı taraý-taraý jylǵa bastaýlardan quralatyndyǵyn dáleldeýdiń qajeti joq shyǵar. Qam kóńilge nur shapaǵatyn quıyp, demeý bolar, aldynan úmit shyraǵdanyn jaǵar júrek jylýynan asqan qudiret joq. Jaman tumaý jan alqymnan alǵan kezde óz bastaryn qaýip-qaterge tigip, halqynyń jaıyn oılaǵan eriktilerdiń erlik isteri týraly qansha aıtsaq ta kóptik etpeıtini belgili. Bálkim, qoǵamnyń júzin nurlandyratyn da osyndaı adamgershilik ajarǵa bókken belsendi qımyl shyǵar. О́ńirde búgingi kúni eriktiler qatary ýaqyt ótken saıyn aıryqsha qarqynmen molaıyp, kóbeıe túsýi rızashylyq sezimge bóleıtini bar. Búgingi kúni ár tarapta janashyr is-qımyldary arqyly jan shýaǵyn aıamaı sebezgilep júrgen 3 600-den asa eriktilerdiń basyn biriktirip otyrǵan seksenge jýyq uıym bar. Oǵan qosa jeti jalpyulttyq joba júzege asyrylýda.

Jan júregińdi elitip, eriksiz razy qylatyn, qulaqqa da, júrekke de jyly áser etetin eriktilerdiń tolymdy isteri jańa sıpatpen jańarǵan Qazaqstannyń jaqsylyq qyryn tanytatyndaı. Eriktilerdiń eńbegi de ataýsyz qalyp jatqan joq. Máselen, «Dobroe serdse «Lıder.kz» ortalyǵynyń úılestirýshisi Irına Kotýhova «Qurmet» ordenimen marapattaldy. «Front» eriktiler qoldaý ortalyǵy» ofısiniń jetekshisi Dastan Ermekov «Shapaǵat» medalin óńirine taqty. Sóz arasynda Dastan Amangeldiulynyń 2018-2022 jyldary jastar uıymyna jetekshilik jasap, nebir ıgi isterge uıytqy bolyp kele jatqandyǵyn aıta ketsek artyq bolmas. О́zderiniń kishkentaı bolsa da janashyrlyq kómekteriniń arqasynda el birligin eselep, muqtaj jandarǵa qolushyn berýdi asqaraly mindet sanaıtyn jastarmen úılesimdi jumys istep keledi. «Dobroe serdse «Lıder.kz» ortalyǵy bolsa 2021 jyly jalǵyzbasty adamdarǵa arnalǵan pansıonat ashýǵa septikterin tıgizdi. Bul jerde taǵdyr tálkegine ushyraǵan, jastary jer ortasynan aýǵan kezde bar qıyndyqpen jeke-dara qalǵan jasamys adamdar pana tapty. Pana ǵana emes, júrek muńyn, kóńil syryn tyńdaıtyn izgi nıetti izetti adamdar qanshama?! Qınalǵan sátte dál sondaı jandardyń demeý bolýy olardyń da kóńilin jubatyp, marqaıtyp tastaǵandaı.

Mine, osyndaı naqty ister az emes. Eriktiler áleýmettik jaǵynan az qamtylǵan otbastaryna kómek kórsetýge árdaıym ázir. Mundaı jumysty olar udaıy atqarýda. 2020 jyldyń basynan óńirde Birgemiz Aqmola mobıldi qosymshasy iske qosyldy. Mundaı qosymshanyń ázirge Aqmola óńirinde ǵana bar ekendigin maqtanysh sezimmen aıta ketýge bolady. Qosymshanyń ózinen «Meniń kómekteskim keledi», sondaı-aq «Kómek kerek» degen eki bólimdi tańdaı alasyz. Adamdarǵa paıdalanýǵa óte yńǵaıly etip jasalǵan.

Aımaqta eriktilerdi meılinshe molynan uıymdastyryp, jaqsy isterge baǵyttaý oraıynda tyndyrymdy sharýalar júzege asyrylýda. El táýelsizdiginiń otyz jyldyǵyna oraı uıymdastyrylǵan Birgemiz Life oblystyq baıqaýy ótkizilip, Uzdik volunteer, Volunteer team, «Úzdik volonterlik bastama» atty úsh atalym boıynsha eriktiler ishinde erekshe qajyr-qaıratymen, meıirim izgiligimen top jarǵandar Alǵys hattarmen marapattaldy. «Fenıks» eriktiler ortalyǵy 2014 jyldyń 22 qazanynda Kókshetaý qalasynda qurylǵan bolatyn. Bir maqsat tóńireginde toptasqan, el jaıyn esten shyǵarmaıtyn eriktiler kúni búginge deıin belsendi jumys istep keledi. Sátti jobalarynyń biri «Dıspetcherlik qyzmet» jobasy. Bul joba «Shans» múgedek adamdardy ońaltý ortalyǵymen qoıan-qoltyq jumys isteıdi. Múmkindigi shekteýli adamdardy arnaıy kólikpen qamtamasyz etip, olardyń qajettiligi bolǵan kezde ártúrli mekeme men emhanaǵa barýyna kómektesip otyr. Al ataýly kómek jobasy kómekke zárý adamdarǵa qolushyn berýge arnalǵan.

 

Aqmola oblysy

 

Sońǵy jańalyqtar

Qosymshanyń kómegi eleýli

Qoǵam • Búgin, 23:07

Qazaq dıasporasynyń qaıratkeri

Tarıh • Búgin, 23:01

Ormanmen syrlasqan ǵalym

Aımaqtar • Búgin, 22:59

Koreı teatrynyń torqaly toıy

Teatr • Búgin, 22:58

Lývrda qalǵan shyraǵdan

Suhbat • Búgin, 22:56

EcoStudentKZ: Jastar judyryqtaı jumyldy

Ekologııa • Búgin, 22:52

Sheberler sherýi

О́ner • Búgin, 22:50

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Uqsas jańalyqtar