Soǵan qaramastan, atalǵan komandalar materıaldyq turǵydan biraz oljaǵa kenelgen kórinedi. KazFootball.kz saıty taratqan málimetke súıensek, bıylǵy maýsymda qazaqstandyq klýbtar 2 117 000 AQSh dollary kóleminde paıda tapty. Tarqatyp aıtsaq, «Tobyldyń» esepshotyna 845 000 dollar túsken. Onyń 285 000-y ÝEFA Chempıondar lıgasynyń birinshi irikteý kezeńine qatysqany jáne 560 000-y Konferensııa lıgasynyń úshinshi kezeńine shyqqany úshin. Sońǵy jarysta dál sol mejeden kóringen «Qyzyljarǵa» da 560 000 dollar tıesili.
Al «Astana» men «Qaırattyń» Konferensııa kýbogynyń ekinshi kezeńinde súringeni málim. Sol mejege jetkeni úshin olardyń qazynasy 356 000 dollarǵa tolyǵady.
