Tennıs • 16 Tamyz, 2022

Elena Rybakına Sınsınnatı týrnırin sátti bastady

23 ret kórsetildi

Qazaqstannyń birinshi, álemniń 25-raketkasy Elena Rybakına Sınsınnatı (AQSh) WTA 1000 týrnırin sátti bastady, dep habarlaıdy Egemen.kz.

Qazaqstandyq tennısshi alǵashqy aınalymda dúnıejúzilik reıtıngte 58-orynda turǵan mysyrlyq Maıar Sherıfpen sheberlik baıqasty. E.Rybakına 6:3, 6:2 esebimen jeńiske jetti.

Bir saǵat 11 mınýtqa sozylǵan báseke barysynda qazaqstandyq sportshy 5 eıspen birge 8 breık-poınttyń teń jartysyn paıdalana bildi. Qarsylasy 3 eıs, 1 breıkten asa almady.

Elena Rybakına ekinshi aınalymda álemniń burynǵy birinshi, qazirgi 9-raketkasy, «Úlken dýlyǵa» týrnırleriniń eki márte jeńimpazy, ıspanııalyq Garbıne Mýgýrýsamen kezdesedi.

Taǵy bir qazaqstandyq, reıtıngte 38-oryndaǵy Iýlııa Pýtınseva birinshi aınalymda álemniń 24-raketkasy, amerıkalyq Medıson Kızben oınaıdy.

Júlde qory 2,5 mln AQSh dollarynan asatyn Sınsınnatı jarysy 21 tamyzda márege jetedi. О́tken jyly munda bıyl tennıspen qosh aıtysqan álemniń burynǵy 1-raketkasy, aýstralııalyq Eshlı Bartı úzdik shyqqan bolatyn.

Sońǵy jańalyqtar

Senbige arnalǵan aýa raıy boljamy

Aýa raıy • Búgin, 15:21

Uqsas jańalyqtar