Ulttyq sport • 17 Tamyz, 2022

Ulttyq oıyndar – qundy muramyz

47 ret kórsetildi

Táýelsizdik alǵaly beri umyt qalǵan dástúrli ulttyq sport túrleri jańǵyrý ústinde. Dalanyń tósin dúbirletken jaýynger halyqtyń búgingi urpaǵy da dalany ańsap turady. Ulylyǵymyzdyń belgisine aınalǵan, halqymyzdyń myqtylyǵy men tektiligin, mádenıeti men minez-qulqyn tanytatyn ulttyq sport oıyndary kimniń bolsyn qanyn oınatyp, óziniń ulttyq bolmysymen qaıta qaýyshtyratyny sózsiz.

Jaqynda Balalar jyly aıasynda jáne sport kúnine oraı aýdan­dyq báıge federasııasynyń uıymdastyrýymen, Tasqala aýdany ákimdiginiń jáne aýdannyń janashyr azamattarynyń qol­daýymen Ulttyq at sporty túrlerinen respýblıkalyq ashyq birin­shilik ótti. Birinshiliktiń ashylý saltanatynda sóz sóı­legen aýdan basshylyǵynyń ókili men basqa da azamattar ult­tyq qundy­lyqtarymyzdy ulyqtaýdyń mańyzy zor ekenin jáne qun­dy­lyq­tarymyzdy óskeleń urpaqtyń ­boıyna sińirýdiń artyqshy­lyqtaryn, ulttyq tárbıeniń alatyn ornyn erekshe atap ótip, dala qyzyqtaryn ótkizýge bastaý berdi.

Birinshilikke elimizdiń túkpir-túkpirinen top-top bolyp, qaýmalap shabandozdar jınaldy. Taı jarysy, qunan báıge, top báıge jáne alaman báıgeden júldeler sarapqa salyndy. Eshkitaýdyń qyrlary shabandozdardy biraz synap, «júırikten júırik ozar jarysqanda» degendeı, myqtylardyń myqtysy, naǵyz júırik sáıgúlikter jeńis máresine jetti. Qazaq kúresi, qoı kóterý jáne jappaı kókpardan da tartysty básekeler tasqalalyqtardyń kóńilinen shyqty.

Tasqalanyń dalasynda ásem ánder shyrqaldy. Kıiz úıler tigilip, aýdan kásipkerleri jármeńke uıymdastyrdy. Birligi berekeli, tirligi merekeli, yntymaǵy jarasqan Eshkitaý etegindegi eńseli el uıym­dastyrǵan is-shara aýdan turǵyndary men qonaqtarynyń joǵary baǵasyna ıe boldy.

 

Rafhat HALELOV,

jýrnalıst

 

Batys Qazaqstan oblysy,

Tasqala aýdany

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Uqsas jańalyqtar