Aqsýat aýdanynyń ortalyǵynda jyl saıyn dástúrli túrde Yrǵyzbaı ataǵa as berip, aqyndar aıtysyn, alaman báıge, kúres túrlerinen jarys uıymdastyryp keledi. Mundaı taǵylymy mol, ǵıbratqa toly is-sharalardyń halyqtyń rýhyn, kóńil kúıin kóteretini túsinikti. Ekinshi jaǵynan ony jurtshylyqtyń alǵysyna bólep júr. Al alǵys arqalaǵannyń azyp-tozbaıtyny barshaǵa málim.
Ol salǵan aýyldyń joldary men kire beris qaqpasy eldi mekenimizge erekshe ár berip tur. Jáne de aýyldyń jaqsy oqıtyn mektep oqýshylaryna qarjylaı járdemdesip keledi. «Jaqsynyń jaqsylyǵyn aıt, nury tasysyn» degen. Dýlat baýyrymyzdyń el erteńi – daryndy balalardy koldap, «bulaq kórseń, kózin ash» qaǵıdatyn ustanýyn márttik pen jomarttyqtyń bıik shyńy desek, asyra aıtpaǵanymyz.
D.Tastekeev – alǵa qoıǵan arman-maqsattaryna qol jetkizgen azamat. Kóp nárseni kókiregine túıgen jan. Bolashaq urpaq úlgi alar tulǵa. Ár kez jaqsylyqtyń jarshysy, izgilikti de ıgilikti isterdiń uıytqysy. Mine, taıaýda dúbirletip Yrǵyzbaı atamyzdyń asyn ótkizdi. Alys-jaqyn shetelderden myqty degen sportshylar kelip, jarys kórigin qyzdyrdy. 150 shaqyrymdyq alaman báıge, aqyndar aıtysy aýdanymyzdyń bedeline bedel qosty. Oblys, aýdan jurtshylyǵy Dýlat baýyrymyzdyń eren eńbegin joǵary baǵalap qana qoımaı, árqashan maqtan tutady jáne ol qandaı maqtanǵa da laıyq azamat!
Shynar MÚTÁLIPOVA
Abaı oblysy,
Aqsýat aýdany
