Shardara APB-ǵa aryzdanyp kelgen jergilikti turǵyn alaıaqtyń qurbany bolǵandyǵyn jetkizdi. Iаǵnı, tanysy 2020 jyldyń jeltoqsan aıynda qyzyńdy joǵary oqý ornyna grantqa túsirip beremin dep senimine kirip, 1 mln teńgesin alǵan.
Atalǵan jaıtty tártip saqshylary QR QK-niń 190-baby (Alaıaqtyq) boıynsha tirkedi. Shardaralyq tártip saqshylar turǵyndy aldap, aqshasyn alyp ketken kúdiktini qolǵa túsirip, qylmysty ashý maqsatynda izdestirý sharalaryn júrgizdi. Qajetti dep tanylǵan barlyq is-sharalardy júzege asyrdy.
Nátıjesinde polısııa qyzmetkerleri kúdikti retinde jumyssyz, Almaty qalasynyń turǵynyn anyqtady. Belgili bolǵandaı, sezikti áıel Shardaraǵa qydyryp kelgen. Al alaıaqtyqpen alǵan aqshany óz qajettiligine jaratyp jibergen. Tártip saqshylary kúdiktiniń budan basqa da qylmystarǵa qatysyn anyqtap jatyr.
