Týrızm • 18 Tamyz, 2022

Kólsaıǵa kel, keremetti kózben kór

38 ret kórsetildi

Almaty oblysynyń týrıstik ále­ýetin arttyryp turǵan tabıǵat syıynyń biregeıi – Kólsaı. Kóz jaýyn alatyn tańǵajaıyp kólge kelýshiler qatary jyl saıyn artyp keledi. Iаǵnı Kegen aýda­nyndaǵy Kólsaı kóli qazir qazaqtyń óz ishine ǵana emes, álem­niń tórt buryshyna áıgili týrızm­niń nysanyna aınaldy.

Sýretti túsirgen Erlan OMAR, «EQ»

Dereke júginsek, 2020 jyly Kól­saıǵa kelýshiler 83 153 adamdy qurasa, 2021 jyly 160 520 adamǵa jetti. Bıyl da demalýshylardyń aıaǵy sıregen joq. Jalpy, Kólsaı kólderi aýmaǵynda 7 tý­rıs­tik baǵyt boıynsha qyzmet kórse­tiledi.

– Kólsaıǵa kelýshilerdiń qatary kó­beı­geli beri sol mańaıdaǵy aýyldardyń shyraıy kirip, turǵyndardyń jaǵdaıy jaqsara tústi. Oǵan ınfraqurylymnyń jaqsarýy da áser etti. Sońǵy jyldary Kólsaıǵa deıingi jol jasaldy, asfalt­taldy. Sonyń nátıjesinde Kólsaı kól­derin tamashalaýshylardyń qatary eki esege artty. Bıyl Qaıyńdy kólge deıingi jol jasalýda. Sonymen qatar Qaıyńdy kóline deıingi elektr jelisin tartý máselesi de josparda bar, – deıdi Kegen aýdanynyń ákimi Talǵat Baıedilov.

Jaqynda Almaty oblysynyń ákimi Marat Sultanǵazıev Kegen aýdanyna jasaǵan jumys sapary barysyn­da «Kólsaı kólderi» ulttyq parkine de ar­naıy bardy. Munda óńir basshysy aımaqtaǵy týrıstik klasterdi damytýǵa qatysty josparmen tanysty. Kún tárti­bindegi basty máseleniń biri retinde Qaıyńdy kólin saqtap qalý isi turǵan bolatyn. Iаǵnı sońǵy jyldary atalǵan sý qoımasynda sý deńgeıi aıtarlyqtaı tómendep, ony saqtaý úshin bóget salý qajettigi týyndap otyr. Oblys ákimi bógetti ornatpas buryn eń aldymen, Ekologııa mınıstrligimen birlese bir­qatar máseleni pysyqtaý keregin eskertti. Al jaqyn arada kólge aparatyn joldyń qurylysy bastalyp, elektr jelisi tartylady. Taǵy bir másele, aýdan­daǵy taýly aımaqtarǵa káriz jeli­lerin tartý múmkin emes. Alaıda aýdan­dyq bıýdjetten qarjy bólinip, arnaıy súzý alańdaryn salatyn oryn belgilendi. Biraq bul jumysty iske asyrý úshin oblystyń, tipti respýblıkanyń qoldaýy qajet.

– Birinshi kezekte Qaıyńdy kóline aparar joldy retke keltirý kerek. Degen­men salynatyn jol kól jaǵasyna ba­ryp tirelmeýi tıis. О́ıtkeni ulttyq saıabaq­qa kiretin barlyq kólde sanıtarlyq aımaq talaby saqtalýǵa tıis. Al bóget salý máselesin oblys ákimdigi arqy­ly mınıstrlikpen birge pysyqtaımyz. Jalpy, Kólsaıǵa kelýshi týrıster taýdyń taza aýasymen tynystaǵylary keledi. Onyń ornyna demalýshy jurt kóńniń ısimen demalýǵa májbúr. Bul másele ulttyq parktiń basshylyǵymen birge sheshimin tabýǵa tıis. Qazirgi saıa­hat­shylar arnaıy týrıstik avtobýstarmen, ıa bolmasa ózderiniń kólik­terimen Kólsaı kóline deıin barady. Demalys kúnderi kelýshilerdiń sany artqandyqtan, avtokólik turaǵy lyq tolady, sáıkesinshe aýa lastanady. Onyń ústine sanıtarlyq talaptarǵa saı kelmeıtin qoǵamdyq tamaqtaný oryndary avtoturaq aımaǵynda orna­lasqan. Muny retteýimiz kerek, – deıdi oblys ákimi M.Sultanǵazıev.

Jalpy, bıyldan bastap kól mańynda týrısterge arnalǵan logıstıkany da qaıta qaraý qajettigi týyndap otyr. Ulttyq parktiń málimeti boıynsha qazir atty jáne jaıaý júrginshilerge arnalǵan joldyń jobasy ázirlenip jatyr. Sondaı-aq jergilikti ákimdik pen Ulttyq park qarajaty esebinen bıoájethanalar satyp alynbaq. Munan bólek, aýmaqtaǵy qoǵamdyq qaýipsizdikti qamtamasyz etý úshin týrısttik polısııa bólimsheleri men feldsherlik-akýsherlik pýnkt salý máseleleri de sheshimin tabady degen senim bar.

Kólsaı kólderi týrıstik nysan ǵana emes, ekonomıkalyq tabys kózine de aınalýy kerek. Ol úshin aýmaqqa ınves­tısııa tartýǵa jaǵdaı jasalýǵa tıis. Osy saparynda oblys ákimi M.Sultanǵa­zıev Kólsaı óńirindegi «Atyraý Rent» seriktestiginiń týrızm salasy boıyn­sha ınvestısııalyq jobalarymen tanys­ty. Seriktestiktiń dırektory Baýyrjan Mahmetov tanystyrýynsha, 5 mlrd teń­geni quraıtyn ınvestısııalyq joba bo­ıynsha Kólsaı óńirinen 17 gektar jer berilipti. Kólsaıǵa keletin qonaqtar­dy, alys-jaqyn shetelderden keletin týrısterdi kútýge arnalǵan qurylys nysanynda vızıt-ortalyqtar, eko-qonaq­úıleri, glempıngter, saýda-jármeńkelik dúńgirshekter, kempıngter jáne qazaqy aýyldar qyzmet kórsetedi. Eki júzdeı jańa jumys oryndary ashylady dep kútilýde. Jalpy, bul demalys orny 80 qonaqty qarsy alyp, jaıly demalyp qaıtýyna múmkindik jasaıdy. Týrıstik ortalyqtyń qurylys jumystary 2025 jyly aıaqtalyp, paıdalanýǵa beriledi.

 

Almaty oblysy,

Kegen aýdany

Sońǵy jańalyqtar

Munaı men teńge baǵamyndaǵy táýekelder

Ekonomıka • Búgin, 00:23

Áleýmettik qyzmetterdi damytý ózekti

Qazaqstan • Búgin, 00:21

Elektr qýatyn óndirý ulǵaıady

Aımaqtar • Búgin, 00:19

Saıası júıeni túbegeıli jańartý

Saıasat • Búgin, 00:14

Ulttyq qundylyqtardy ulyqtaý

Pikir • Búgin, 00:06

Atomǵa alańdaǵan álem

Álem • Búgin, 00:04

Bıznestegi áıelder úlesi

Bıznes • Búgin, 00:01

Yrysty molaıtqan naýqan

Ekonomıka • Keshe

AQSh-qa eksport artty

Ekonomıka • Keshe

Qandastardyń hali qalaı?

Qoǵam • Keshe

Engel zańy

Qoǵam • Keshe

Qymyzhanadaǵy mýzeı

Qoǵam • Keshe

Án oqý

Rýhanııat • Keshe

«Áselim» áni

О́ner • Keshe

Jyr alyby dáripteldi

Qoǵam • Keshe

Uqsas jańalyqtar