Osy is-shara barysynda Qazaqstan boks federasııasynyń (QBF) prezıdenti Keńes Raqyshev, atqarýshy dırektory Ázız Qojambetov, respýblıkalyq Sportty damytý dıreksııasynyń dırektory jáne QBF vıse-prezıdenti Maratbek Myqtybekov, Almaty qalasy boks federasııasynyń prezıdenti Erjan Qosmambetov bylǵary qolǵap sheberlerine, olardyń bapkerleri men ulttyq quramadaǵy keshendi-ǵylymı top ókilderine qarjylaı sertıfıkat tapsyrdy. Esterińizge sala keteıik, Qazaqstan áıelder quramasy Túrkııada ótken álem chempıonatynda bes medal (1 kúmis, 4 qola) jeńip alǵanyn aıta keteıik.
– О́zderińiz biletindeı, Ystanbulda 72 elden kelgen 300-den astam tańdaýly bylǵary qolǵap sheberleri júldege talasty. Bul synda da bizdiń qyzdar tolyq quramda laıyqty óner kórsetti. Osy tusta bul biz úshin eń tabysty álem chempıonatynyń biri bolǵanyn atap ótýge tıispiz. Men de osy álem chempıonatynda bolyp, fınalda Alýa Balqybekovaǵa jankúıer boldym. О́z basym bizdiń jarqyn jeńisterimiz áli alda dep senemin. Bárińizge tynbaı eńbek etip, qaısarlyq tanytqandaryńyz úshin alǵys aıtamyn», dedi Keńes Raqyshev quttyqtaý sózinde.
Kishigirim baspasóz konferensııasynan keıin elimizdiń úzdik boksshylary aqshalaı sertıfıkat pen sońǵy úlgidegi uıaly telefonǵa ıe boldy. Álem chempıonatynyń kúmis júldegeri Alýa Balqybekovaǵa 30 000 AQSh dollary tapsyryldy. Al qola júldegerler – Jaına Shekerbekova, Dına Jolaman, Karına Ibragımova jáne Valentına Halzovaǵa 10 000 AQSh dollary berildi. Sol sekildi Shámil Safıýllın bastaǵan jattyqtyrýshylar shtabynyń ókilderi, jeke jattyqtyrýshylar men ǵylymı toptyń músheleri de nazardan tys qalmady. Olar da qomaqty kólemde syıaqy aldy.
