Qylmystyq top músheleri merzimdi túrde kıikterdi atyp, múıizderin Qytaıǵa jóneltý maqsatynda ońtústik óńirge satyp otyrǵan. Olar qylmystyq jolmen alynǵan kıik múıiziniń bir kelisin 80-100 myń teńge aralyǵynda satqan.
«Qazirgi ýaqytta polısııa qyzmetkerleri 6 tintý jumystaryn júrgizip, qylmystyq toptyń úsh múshesi (34 pen 46 jas aralyǵynda) ustalyp, úsheýine izdeý jarııalandy. 150 keli, ıaǵnı 732 dana kıik múıizi tárkilendi. Sondaı-aq, kúdiktilerden tarazy, pyshaq sýyq qarýy, tirkelmegen qarý jáne avto-mototehnıka tárkilenip alyndy», dep habarlady Qaraǵandy oblystyq polısııa departamenti bastyǵynyń orynbasary Ábil Ábildın.
Atalǵan fakti boıynsha QK-tiń 339-1-babyna (Sırek kezdesetin jáne quryp ketý qaýpi tóngen janýarlardyń, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sáıkes qylmystyq is qozǵaldy. Atalǵan baptyń sanksııasy múlkin tárkileı otyryp, 3 jyldan 5 jylǵa deıin bas bostandyǵynan aıyrýdy kózdeıdi. Tergeý áreketterimen Qaraǵandy oblystyq polısııa departamenti tergeý basqarmasynyń tergeýshileri aınalysyp jatyr.
