«Elordada sportshylarǵa arnalǵan alǵashqy medısına ortalyǵy ashyldy. Jattyqtyrýshylar men sportshylarǵa arnap jeke medısınalyq mekeme bólý máselesi kezdesýlerimizdiń birinde talqylanǵan bolatyn.
Máselen osyǵan deıin sportshylarymyz №5 qalalyq emhana bazasynda kásibı tekseristen ótip, em alyp keldi. Bul tekserýler ózge pasıenttermen birge, jalpy kezek boıynsha júrgizildi. Al bul belgili bir deńgeıde yńǵaısyzdyq týǵyzyp, sportshylardyń sapaly daıyndyǵy men saýyqtyrý prosesine keri áser etti. Onymen qosa, sportshylar men olardyń jattyqtyrýshylary em-dommen arnaıy sport dárigerleri aınalysýy qajettigin aıtqan bolatyn», dedi A.Kólginov.
Ákim atap ótkendeı, sala mamandarymen kezdesýden soń sportshylarǵa arnalǵan medısına ortalyǵyn ashý sheshilgen. Nysan A-82 kóshesindegi «Nurly jol» temirjol vokzalynyń janynda ornalasqan.
«Bul ortalyq sportshylardyń medısınalyq tekserýden emin-erkin ótýine, densaýlyǵyn ońaltyp, qalpyna kelýine múmkindik beredi», dedi shahar basshysy.
Mekemege bilikti sport dárigerleri jumyldyrylady.
