Qoǵam • 22 Tamyz, 2022

Kúńireniske toly kúre jol

4462 ret kórsetildi

Kúre joldyń ústindegi apattardyń saldarynan kóz jumǵandar sany kúnnen-kún­ge kóbeıip barady. Statıstıkalyq derekterge kóz júgirtseńiz, janyńyz túr­­shi­gedi. Máselen, osy jyldyń basynan bergi ýaqyt ishinde Qaraǵandy obly­syn­da jol-kólik apatynan 99 adam qaza taýyp, 258 adam túrli deńgeıdegi jara­qattar alǵan eken. Olardyń ishinde múgedek bolyp qalǵany qanshama deseńizshi?!

Oblystyq ákimdikte ótken arnaıy jıynda jergilikti polısııa de­partamentiniń basshysy Erlan Faızýllın ótken jeti aıdyń qory­tyn­dysy boıynsha tas joldyń bo­ıyn­daǵy qaıǵyly oqıǵalar sany­nyń arta túskenin málimdedi.

– Jeti aıdyń qorytyndysyna sáıkes oblys boıynsha jol-kólik oqıǵalary 8,2%-ǵa, qaza bolǵandar sany 57%-ǵa, jaraqat alǵandardyń qatary 16,7%-ǵa ósti, – dep habarlady E.Faızýllın.

Polısııa basshysy keltirgen derekterge saı, apattarǵa kóbine jeńil kólikti tizgindegender kináli bolady eken. Mundaı jaǵdaıdyń 176 deregi tir­­ke­lipti. Al 11 jaǵdaı avtobýs júr­­gizý­shileriniń jaýapsyzdyǵynan bol­ǵan. Tek úsh oqıǵada júk kólik­te­rin bas­qarǵandar jazyqty bolyp tanylǵan.

О́kinishtisi sol, jol-kólik oqıǵa­la­rynda kámeletke jasy tolma­ǵan­dardyń sany artyp ketken. Bul oraıda polısııa basshysy balalardyń qatysy bar apattardyń 29-dan 43 pa­ıyz­ǵa deıin óse túskenin málim etken derekti keltirdi.

О́te úlken tranzıttik óńirge jatatyn Qaraǵandy oblysyndaǵy avtomobıl joldarynyń uzyndyǵy toǵyz myń shaqyrymnan asady. Tek, res­pýblıkalyq mańyzy bar jol­dar­dyń ózinde 54 jol-kólik oqıǵasy bolyp, sonyń saldarynan 42 adam qaza tapqan, al 86 adam zardap shegipti. Statıstıkaǵa sensek, jol boıyndaǵy baqytsyz oqı­ǵa­lardyń basym bóligi Qaraǵandy – Balqash jáne Balqash – Saryshaǵan kúre joldaryna tıesili bolyp shyǵady.

Oblystyń bas polıseıi jol apat­tarynyń negizgi sebepterin de jip­ke tizip atady. Máselen, baqytsyz jaǵ­daılardyń deni jol qozǵalysy ere­je­leriniń saqtalmaýynan, júrgizý­shi­lerdiń kólik tártibi men ózara syı­­las­tyqqa mán bermeýinen týyndaıdy eken. Jalpaq tilmen aıtqanda, temir tulparlardy tizgindegen keıbir tur­ǵyn­dar ereje men tártipke túkirip qoıyp, kúre joldyń ústinde quıyn-peren zymyraıdy da, óziniń ǵana emes ózgeniń de ómirin qaýip-qaterge baılap berip júr.

Budan bólek, jol apatynyń jıi­leýine baǵýsyz júrgen mal da qo­maq­ty «úles» qosyp júr. Jol boıyn tor­ly qorshaýlarmen, arnaıy belgi­ler­men jáne janýarlardy sha­ǵy­lysatyn elementtermen qamta­ma­syz etý jaǵy áli kúnge deıin aqsap jatyr. Iаǵnı qaraýsyz qalǵan mal jol ústine shyǵyp ketip, kóp jaǵ­daı­da ja­nýar­lar­dyń kóliktermen soq­ty­ǵys­qan oqys oqıǵalary jıilep tur.

Sonymen qatar Erlan Faızýllın eldi mekenderdegi apattyń basym bóli­gi jaıaý júrginshilerdiń qatysýy­men bolatynyn atap ótip, jaýapsyzdyq pen nemquraıdylyqtyń saldarynan beıbit ýaqytta adamdardan aıyrylyp jatqan jaǵdaıǵa qatty qynjylys bildirdi.

Álbette, tártip saqshylary jol apa­ty kóbeıip, aıdyń-kúnniń amanynda adamdar qaza taýyp jatqanda qol qýsyryp qarap otyrǵan joq. Máselen, Qaraǵandy men Temirtaýda jaıaý júrginshilerdiń qatysýymen bol­ǵan jol-kólik oqıǵalaryn azaıtý maq­satynda avtobýs aıaldamalaryna kiretin jerlerdi baǵdarshamdarmen retteletin qıylystarǵa kóshirý boıynsha jumystar jalǵasyp jatyr.

Sonymen birge jol qaýipsizdigin saqtaý jolynda basqa da pármendi sharalar qabyldanýda. Mysaly, apattar jıi bolatyn qaýipti ýchaskelerde qosymsha 10 avtopatrýl qoıyldy. Jáne kún saıyn júrgizýshilermen túsin­dirý jumystaryn júrgizýdi uıym­dastyrý jaǵy da shıratyla tús­ken.

Búginde «Qaýipsiz qala» baǵdarla­ma­sy aıasynda jol qozǵalysy ere­je­­­le­rin buzýdy tirkeıtin 110 ap­pa­rat­­ty-baǵdarlamalyq keshen orna­­ty­lyp, olardyń kómegimen 89 850 uı­ǵa­rym tirkelgen. Sondaı-aq 11 m­o­bıldi apparatty-baǵ­darla­ma­lyq keshen de tıimdi jumys istep tur. Iаǵnı olar búginge deıin 17 879 buzý­­shy­lyqty anyqtaǵan.

О́kinish­ke qaraı, oblysta joldardy jóndeý jáne jasandy jaryqtandyrý máseleleri áli de tolyǵymen sheshimin tappaǵan. Kólik quraldarynyń teh­nı­kalyq jaǵdaıy da syn kóter­meı­di. Osy oraıda oblys basshysy kóliktik ba­qylaý ınspeksııasynyń jumysyn synǵa alyp, jiberilgen kemshilikterdi dereý joıýdy tapsyrdy.

Sonymen qatar oblys ákimi Jeńis Qasymbek polısııa departamentine, jolaýshylar kóligi jáne avtomobıl joldary basqarmasyna 2022-2023 jyldarǵa arnalǵan jol qozǵalysy qaýipsizdigin arttyrý jónindegi is-sharalar josparynyń oryndalýyna taldaý jasaýdy jáne onyń oryndalýy týraly baıandaýdy júktedi.

Iá, kúńireniske tolyp ketken kúre joldyń boıyndaǵy jaǵdaıdy túzeý úshin qatań sharalar qabyldamasqa bolmaıyn dep tur. Ereje-tártip de­genderdi eleń qylmaı, eldiń ómirine qaýip tóndirip júrgen pendelerdi jónge salý úshin bul iske prokýratýra organdarynyń da belsene aralasqany jón bolar edi.

 

Qaraǵandy oblysy

Sońǵy jańalyqtar

Munaı baǵasy 16% tómendeıdi

Ekonomıka • Búgin, 11:30

Búgin aýa raıy qandaı bolady?

Aýa raıy • Búgin, 09:33

Elimizde 49 adam indet juqtyrdy

Koronavırýs • Búgin, 09:14

Jańarǵan júıe jaýapkershiligi

Saılaý • Búgin, 08:58

Jańa elektr stansasy salynady

Qoǵam • Búgin, 08:55

Saıyndaǵy sý daýy

Aımaqtar • Búgin, 08:50

Top jarǵan úsh ǵalym

Bilim • Búgin, 08:45

Jalǵan habar taratqanǵa jaza qatań

Qoǵam • Búgin, 08:40

Qyrǵyzdyń óńindeı...

О́ner • Búgin, 08:35

Ana men bala amandyǵy

Medısına • Búgin, 08:35

Saıası alańdaǵy ustanym

Saılaý • Búgin, 08:25

Áleýmettik jobalardyń áleýeti

Úkimet • Búgin, 00:01

Abyroıly Aǵzam aqsaqal

Aýyl • Keshe

Uqsas jańalyqtar