Esterińizge sala keteıik, gaz taratý jelileriniń qurylysy úsh kezekke bólingen. 2021 jyly birinshi kezektegi, sondaı-aq ishinara ekinshi kezektegi qurylys aıaqtaldy. Ekinshi jáne úshinshi kezektiń qalǵan bóligi boıynsha jumystar 2022-2024 jyldarǵa josparlanǵan.
«Búginde Kóktal-1, Kóktal-2, Agroqalashyq, Temirjolshylar, Promyshlennyı, Ońtústik-Shyǵys (oń jaǵy men sol jaǵy), Kúıgenjar, Mıchýrıno, Internasıonalnyı eldi mekenderi, sondaı-aq Potanın kóshesi aýdanynda qalanyń eski bóligindegi tutynýshylardy qosý qamtamasyz etildi. 650 km gazben jabdyqtaý jelisiniń qurylysy aıaqtaldy», dedi M.Esmaǵulov.
Jalpy, elordada 200 myńǵa jýyq turǵyny bar 14 myń abonent gazǵa qosyldy. Gazǵa 4,6 myńnan astam úı qosylǵan. Aıta ketý kerek, JEO-1,2-degi 13 qazandyq gazǵa aýystyryldy.
«Bıyl JEO-1-de taǵy úsh energetıkalyq qazandyq gazǵa kóshiriledi. 15 áleýmettik nysanda gazdy iske qosý boıynsha iske qosý-retteý jumystary júrgizilýde. Sondaı-aq gazǵa «Sharapat» áleýmettik qyzmet kórsetý ortalyǵy, № 19 mektep, №57 mektep, «Meıirjan» balabaqshasy, «Aqqanat» bóbekjaıy jáne tórt kóppáterli turǵyn úı qosyldy», dep atap ótti bólim basshysy. Sonymen qatar bıyl Turan, Telman aýdandyq qazandyqtaryna jáne Ilınka, Telman, Prıgorodnyı, Family Village, О́ndiris eldi mekenderine gaz jetkizý jelisiniń qurylysy bastaldy», dep atap ótti bólim basshysy.
Sonymen qatar ol elorda turǵyndarynyń gaz jyldam qosylý úshin qandaı sharalar qoldanylǵanyn aıtty.
«Turǵyndarǵa gazǵa kóshýge kómektesý úshin elorda ákimdigi birqatar shara qabyldady. Qosylý úshin qujattar tizimi de qysqartyldy. Tegin gazdy esepteý quraldary beriledi. Halyqtyń áleýmettik osal toptaryna 430 myń teńge kóleminde aqshalaı ótemaqy kórsetilýde. Úıdi gazdandyrýǵa bankter arqyly 1,5 jylǵa 750 myń teńgege deıin bólip tóleý jáne paıyzsyz kredıt berý bar», dedi ol.
Sondaı-aq ákimdik pen «QazTransGaz» jobasy boıynsha árbir úıdiń qorshaýyna deıin jeliler júrgiziletinin eske saldy. «Gaz jáne gazben jabdyqtaý týraly» zańǵa sáıkes, turǵyndar naryqtyq tártipte gazben jabdyqtaý jelisine qosylýǵa akkredıttelgen jeke kompanııany jaldaıdy jáne gazdy tikeleı úıge ózderi júrgizedi.
«Quny men sharttary naryq deńgeıinde bolyp sanalady, eshqandaı memlekettik organ da, «QazTransGaz» ulttyq operatory da bul qyzmetti rettemeıdi», dep atap ótti M.Esmaǵulov.
Sondaı-aq basqarmada eldi mekenderdi gazdandyrý jáne energııa kózderin gazǵa aýystyrý shyǵaryndylardy jylyna 40 myń tonnaǵa deıin tómendetetinin, sondaı-aq gaz ballondaryn paıdalanýǵa baılanysty tótenshe jaǵdaılardy azaıtatynyn atap ótti. Gazdandyrýǵa qatysty barlyq másele boıynsha aýdandyq ákimdikterge jáne «QazTransGaz Aımaq» AQ-ǵa Respýblıka dańǵyly 24 mekenjaıy boıynsha nemese 55-89-75
telefony boıynsha habarlasýǵa bolady.
