Is-sharaǵa vedomstvo basshysy Ajar Ǵınııat, Densaýlyq saqtaý vıse-mınıstrleri jáne QR DSM departamentteriniń basshylary, Ulttyq ekonomıka jáne Qarjy mınıstrliginiń, vedomstvolyq baǵynysty uıymdardyń ókilderi qatysty.
Otyrysta aýyldyq densaýlyq saqtaýdy jańǵyrtý, ana men balany qorǵaý, medısınalyq tehnıka men buıymdardy satyp alý jáne aqparattyq júıelerdiń jumysy tóńiregindegi máseleler pysyqtaldy.
Densaýlyq saqtaý vıse-mınıstri Jandos Búrkitbaev «Aýyldyq densaýlyq saqtaýdy jańǵyrtý» pılottyq jobasyn ázirleý boıynsha baıandama jasady.
Atalǵan joba aıasynda barlyq aýyldyq eldi mekender medısınalyq-sanıtarlyq kómektiń jetispeıtin uıymdaryn, atap aıtqanda medısınalyq pýnktterdi, feldsherlik-akýsherlik pýnktterdi, dárigerlik ambýlatorııalardy salý arqyly medısınalyq ınfraqurylymmen qamtamasyz etiletini aıtyldy.
Budan basqa, quramynda ınsýlt ortalyqtary, kardıologııa, reanımasııa, ońaltý bólimsheleri bar jáne KT, MRT, ÝDZ, О́JJ jáne t.b. qazirgi zamanǵy medısınalyq jabdyqtarmen jaraqtandyrylǵan qazirgi zamanǵy kópbeıindi ortalyq aýdanaralyq aýrýhanalardy uıymdastyrý júrgiziledi.
QR DSM ákimdiktermen birlesip MSAK nysandaryn salý qajettiligin alǵa tartty, ol búginde 655 MSAK obektisin quraıdy.
Sondaı-aq 32 kópbeıindi ortalyq aýdandyq aýrýhana uıymdastyrylatyny da habarlandy. Onyń ishinde jumys istep turǵan 12 aýrýhanany jańǵyrtý jáne 20 jańa aýrýhana uıymdastyrý jumystary josparlanǵan.
«AHDO uıymy ınsýlt jáne kardıologııalyq ortalyqtardy, medreabılıtasııa, travmatologııa, hırýrgııa, reanımasııa jáne qarqyndy terapııa bólimshelerin ashý, trıaj júıesi bar qabyldaý demalysyn, sondaı-aq zamanaýı medısınalyq jabdyqtarmen jaraqtandyrýdy jáne kúrdeli jóndeý júrgizýdi qarastyrady», dedi Jandos Búrkitbaev.
О́z kezeginde Densaýlyq saqtaý vıse-mınıstri Vıacheslav Dýdnık Qazaqstan Respýblıkasynda ana men bala densaýlyǵyn qorǵaý jónindegi 2023-2025 jyldarǵa arnalǵan tujyrymdamanyń jobasyn alǵa tartty.
«Qazaqstan Respýblıkasynda ana men bala densaýlyǵyn qorǵaý tujyrymdamasy bosandyrý jáne bala qyzmetiniń problemalyq máselelerin qurylymdaýǵa, shoǵyrlandyrylǵan tásildi qalyptastyrýǵa jáne olardy sheshýdiń tıimdi ádisterin ázirleýge múmkindik beredi», dedi ol.
Aıta ketsek, tujyrymdamanyń aldyn ala jobasy 10 taraýdan turady, olar: ózektilik, aǵymdaǵy jaǵdaıdy taldaý, ana men balany qorǵaý qyzmetiniń negizgi problemalary, halyqaralyq tájirıbe, ana men bala qyzmetin damytý strategııasy, adamnyń ómirlik sıkliniń kezeńderine aralasýdyń basym salalary, kadr resýrstary, ınfraqurylym, medısınalyq jabdyqtar, kútiletin nátıjeler, benefısıarlar, monıtorıng, negizgi ındıkatorlar jáne baǵalaý.
Otyrysta medısınalyq tehnıkany ortalyqtandyrý boıynsha is-sharalardy ótkizý jáne oryndaý egjeı-tegjeıli talqylandy. Baıandamany «SK-Farmasııa» AQ Basqarýshy dırektory Nurjan Qansultan usynyp, normatıvtik-quqyqtyq bazany daıyndaý, biryńǵaı farmasevtıkalyq aqparattyq júıe portalynda tapsyrys berýshilerdiń medısınalyq tehnıkany ortalyqtandyrylǵan satyp alýyna ótinimder berý modýlin ázirleý boıynsha jumys júrgizilgenin, óńirlerdiń densaýlyq saqtaý basqarmalarynyń mamandaryn oqytý júrgizilgenin habarlady.
Jıyn barysynda Densaýlyq saqtaý vıse-mınıstri Beıbit Esenbaev medısınalyq aqparattyq júıelerdiń ınfraqurylymyn jaqsartý jaıynda baıandap berdi. Ol zerthanalyq zertteýler nátıjeleriniń biryńǵaı qoımasyn keńeıtý, ındıkatorlardyń onlaın monıtorıngi, «medısınalyq burmalar» modýlin qurý týraly habardar etti.
«Medısınalyq uıymdar arasynda klınıkalyq derektermen almasý servısin iske asyrý klınıkalyq zertteýler nátıjelerine jedel qol jetkizýge jáne qaǵaz tasymaldaǵyshtardy alyp tastaýǵa múmkindik beredi. Bul sheshim klınıkalyq derekterdi ártúrli medısınalyq aqparattyq júıeler arasynda berý máselesin alyp tastaıdy», dep atap ótti vıse-mınıstr.
Qazirgi ýaqytta dárilik zattar men medısınalyq buıymdardyń biryńǵaı jikteýishin iske qosý aıaqtalý satysynda tur.
«Búginde KVI-ǵa qarsy vaksınasııalanǵan derekter bazasy qalyptastyryldy. Bıyl vaksınasııanyń basqa túrlerin engizý bóliginde keńeıtý jumystary josparlanǵan. Osy fýnksıonal iske asyrylǵannan keıin vaksınasııalanǵan halyqty barlyq aýrýlarǵa, onyń ishinde vaksınalardyń taralýyn esepke alýǵa monıtorıng júrgizý múmkindigi paıda bolady», dep qosty B.Esenbaev.
