Kanaldyń eki jaǵasyn jaǵalaı otyrǵan turǵyndar buǵan deıin tozyǵy jetken eski kópirden ótip, mektepke baratyn balalarynyń jaǵdaıyna alańdap kelgen edi. Kópirden otyzdan asa otbasynyń 60-qa jýyq balasy mektepke baryp-qaıtady. Búginde jańadan salynǵan kópir ata-analardyń ýaıymyn seıiltip, turǵyndarǵa qýanysh syılady. Aýyldastary ónegeli isterimen elge syıly bolǵan Ájekbar qarııaǵa alǵysyn aıtýda. Uzaq jyldar boıy mehanızator bolyp eńbek etken Ájekbar Qorǵanbekov búginde 84 jasqa tolyp otyr. Beınetiniń zeınetin kórgen aqsaqal kópirdi salý máselelesi kóterilgende qarap otyra almaǵanyn, týǵan elge azamattyq paryzyn osyndaı ónegeli isterimen óteýdi jón sanaǵanyn aıtady. «Halyq kópirdiń ıgiligin kórsin, elimiz órkendep, aýyldarymyz kórkeıe bersin. Oǵan qarııalar qolymyzdan kelgeninshe, densaýlyǵymyz jaraǵansha úles qosýymyz, úlgi kórsetý, aqyl-keńesimizdi aıtyp otyrýymyz qajet», deıdi Ájekbar ata.
Túrkistan oblysy
