Tergeý «Altyn adamnyń álem murajaılary boıynsha sherýi» halyqaralyq kórmesin ótkizýge, sondaı-aq «Qazaqstannyń ulttyq kıeli nysandary men mýzeı qorlaryn jalpymemlekettik fotogrammetrııalyq 3D-skanerleý» jáne «Qazaqstan Respýblıkasynyń Ulttyq sıfrlyq kınokolleksııasyn sıfrlandyrý» jobalaryna bólingen bıýdjet qarajatyn urlaý faktileri boıynsha júrgizilýde.
«A.Muhamedıulynyń mádenıet jáne sport mınıstri laýazymynda bolǵan kezinde týystarynyń jáne úlestes tulǵalarynyń menshigine «Sý jáne qoldanbaly sport túrleri boıynsha Respýblıkalyq joǵary sport sheberligi mektebi» RMQK, «Qazaq ensıklopedııasy» AQ jáne «Qazaq ǵylymı-zertteý mádenıet ınstıtýty» JShS zańsyz berýge qatystylyǵy tekserilip jatyr. Tergelip jatqan qylmystyq ister boıynsha memleketke keltirilgen zalaldyń aldyn ala somasy shamamen 7 mlrd teńgeni quraıdy. A.Muhamedıulynyń qamaýda ustaý merzimi 4 aıǵa deıin, ıaǵnı osy jyldyń 26 qyrkúıegine deıin uzartyldy. Tergeý jalǵasýda», delingen ANTIKOR habarlamasynda.
