Tekserý kezinde qaladaǵy barlyq medısınalyq mekemelerde Qazaqstan Respýblıkasynyń «О́lshem birligin qamtamasyz etý týraly» Zańynyń (Zań) talaptaryn oryndamaý faktileri anyqtaldy, tek keıbireýlerinde eskirý merzimi aıaqtalýyna baılanysty ákimshilik sharalar qabyldanbaǵan.
Atap aıtqanda, Medısınalyq mekemelerde belgilengen tártippen salystyryp tekserýden ótpegen naýqas monıtory, ókpeni jasandy jeldetý apparaty, «Aýdıo-SMART» aýdıologııalyq skrınıngke arnalǵan júıe jáne ýltradybystyq dıagnostıka apparaty t.s.s. birneshe medısınalyq ólsheý quraldary paıdalanylǵan. Al merziminde salystyryp tekserýden ótkizilmegen ólsheý quraly adam ómiri men densaýlyǵyna tikeleı áser etip, qaýip tóndirýi ǵajap emes.
Shymkent qalasy prokýratýrasynyń usynymy negizinde, Departament qyzmetkerlerimen 11 medısınalyq mekemelerdiń jaýapty laýazymdy tulǵalary Zańnyń 19-baby talaptaryn saqtamaǵany úshin, QR «Ákimshilik quqyqbuzýshylyq týraly» Kodeksiniń 419-baby 1-bóligi 2-tarmaǵyna sáıkes ákimshilik jaýapkershilikke tartylyp, jalpy sommasy 3 874 695 teńge kóleminde aıyppul salyndy.
