Is-sharaǵa Qyrǵyz Respýblıkasynyń Mınıstrler kabınetiniń tóraǵasy – Prezıdenti Ákimshiliginiń basshysy Aqylbek Japarov, Reseı Federasııasy Úkimetiniń tóraǵasy Mıhaıl Mıshýstın, Armenııa Respýblıkasynyń Premer-Mınıstri Nıkol Pashınıan, Belarýs Respýblıkasynyń Premer-Mınıstri Roman Golovchenko, sondaı-aq baqylaýshylar men shaqyrylǵan elderdiń joǵarǵy ókilderi – О́zbekstan Respýblıkasynyń Premer-Mınıstri Abdýlla Arıpov jáne Ázerbaıjan Respýblıkasynyń Premer-Mınıstri Alı Idaıat ogly Asadov qatysty.
Álıhan Smaıylov EAEO elderiniń úkimetteri qabyldaǵan sharalardyń nátıjesinde negizgi ekonomıkalyq kórsetkishter qalpyna kelip, ekonomıkalyq táýekelder ishinara joıylǵanyn aıtty.
«Atap aıtqanda, ekonomıkanyń ósýin turaqtandyrý jáne qamtamasyz etý jónindegi sharalar EAEO elderi ekonomıkalary ósýiniń orta merzimdi boljamdaryn arttyrýǵa múmkindik berdi. Birinshi jartyjyldyqta ózara saýda kólemi ulǵaıdy. Qazaqstannyń EAEO elderimen taýar aınalymy 4,8%-ǵa ósip, 12,6 mlrd dollardy qurady», dedi Premer-Mınıstr.
Bul rette Úkimet basshysy odan ári damý úshin birqatar mańyzdy máselelerdi sheshýge basa nazar aýdarý qajettigin atap ótti.
Álıhan Smaıylovtyń pikirine qaraǵanda, kedergisiz orta qurý – EAEO elderiniń ony qurý týraly shartta tikeleı jazylǵan ózara qarym-qatynasynyń negizi. Barlyq qajetti ókilettikterge ıe Komıssııa jetekshi ról atqarýǵa tıis.
«Qazirgi jaǵdaıda memleketter birjaqty tártipte engizýge májbúr bolyp otyrǵan shekteýlerdiń saldaryn joıý tetikterin aıqyndaý mańyzdy», dedi Premer-Mınıstr.
Sonymen qatar Úkimet basshysy ózara saýdada shekteýler engizilgen kezde basqa memleketterdiń belgili bir deńgeıde EAEO taýarlarymen qamtamasyz etilýi, sondaı-aq úshinshi elderden jetkizilimderdi jeńildetý úshin jaǵdaılar jasalýǵa tıis ekenin aıtty.
Premer-Mınıstr qazirgi ýaqytta Odaq elderi baǵanyń, ásirese azyq-túlik taýarlary baǵasynyń aıtarlyqtaı ósý problemasymen betpe-bet kelip otyrǵanyn atap ótti. Máselen, 6 aı ishinde EAEO-da baǵalar orta eseppen 12,9%-ǵa artqan.
«Ulttyq valıýtalar arasyndaǵy aıyrbas baǵamdarynda da eleýli burmalaýshylyqtar bar ekenin kórip otyrmyz, olar amerıkalyq valıýtaǵa qatysty kross-baǵamdar arqyly aıqyndalady. Bul bizdiń elderdegi saýda men ınflıasııalyq prosesterge aıtarlyqtaı áserin tıgizedi», dedi Á.Smaıylov.
Osyǵan baılanysty Premer-Mınıstr EAEO elderiniń ortalyq bankteriniń tıisti konsýltasııalaryn ótkizýdi jáne úkimetaralyq keńestiń kezekti otyrysyna usynystar engizýdi usyndy.
Sonymen qatar Úkimet basshysy EAEO elderiniń eksportyn damytý úshin taýarlar tranzıtiniń erkindigin qamtamasyz etý qajettigine nazar aýdardy. «Shyǵys-Batys» jáne «Soltústik-Ońtústik» baǵyttaryndaǵy eýrazııalyq kólik dálizderiniń ınfraqurylymyn jańǵyrtý osy baǵyttaǵy mańyzdy praktıkalyq qadam bolýy múmkin.
«Joǵaryda atalǵan máselelerdi sheshý, sońǵy kezde týyndaǵan qıyndyqtardy eńserýge kómektesedi dep oılaımyz. Kúsh-jigerimizdi biriktire otyryp, aldymyzda turǵan syn-qaterlerge tótep bere alamyz jáne ekonomıkamyzdyń turaqty damýyn, sondaı-aq azamattarymyzdyń ál-aýqatyn arttyrýdy qamtamasyz etemiz dep senemin», dep túıindedi Á.Smaıylov.
Otyrys qorytyndysy boıynsha qatysýshylar birqatar kópjaqty qujatqa qol qoıdy.
