Jańa dılerlik ortalyq bazasynda 30 jumys orny ashyldy. Ortalyqtyń jalpy aýdany - 1200 sharshy metr, onyń ishinde bir ýaqytta 11 avtokólik ornalasatyn shoý-rýmnyń aýdany - 700 sharshy metrdi quraıdy. Sondaı-aq 1000 sh.m. alańda avtokólikterge qyzmet kórsetý boıynsha tolyq qyzmet kesheni bar 15 beketke eseptelgen servıstik seh ornalasqan. Servıstik seh ınnovasııalyq jabdyqtarmen, bilikti mamandarmen qamtamasyz etilgen.
Servıs-ortalyqta tehnıkalyq qyzmet kórsetýdi, dıagnostıkany jáne qozǵaltqyshtardy, elektrıka men júristik bóligin jóndeý boıynsha jumystardyń barlyq túrlerin júzege asyrýǵa bolady. Atalǵan jumystardyń barlyǵy óndirýshiniń standarttary men tehnologııalyq kartalaryna tolyq sáıkestikte oryndalady.
Qazaqstandaǵy EXEED dıstrıbýsııasynyń dırektory Borıs Sasınniń aıtýynsha, EXEED markasyn damytý men ilgeriletýdiń basym ortalyqtarynyń biri retinde Shymkent qalasy kezdeısoq tańdalǵan joq.
«Bul Qazaqstandaǵy halyq sany boıynsha úshinshi jáne alyp jatqan aýmaǵy boıynsha birinshi qala, eldiń iri ónerkásiptik, saýda jáne mádenı ortalyqtarynyń biri. Ol Qazaqstan aýmaǵynda halyq sany boıynsha ekinshi aglomerasııany quraıdy. Qazaqstannyń aglomerasııalardy damytý strategııasyn iske asyra bastaǵanyn jaqsy bilemiz. Eger buryn bizde mıllıon halqy bar bir ǵana qala — Almaty bolsa, endi Nur-Sultan men Shymkent, ıaǵnı mıllıondy úsh qala bar. Sondyqtan osy qala men aımaqqa úlken úmit artamyz jáne dál osy jerde satý ortalyǵynyń ashylǵanyna qýanyshtymyz. Biz joǵary satylymdarǵa jáne jaılylyq, ınnovasııalyq tehnologııalar men erekshe senimdilik arqasynda marka shymkenttikterge unaıtynyna senemiz», dedi B.Sasın.
Aıta ketsek, jyl sońyna deıin Shymkentte kem degende 132 markaly avtomobıl satylady dep josparlanýda. Qazaqstan boıynsha satylym bastalǵaly beri barlyǵy 418 EXEED avtokóligi satyldy, al jyl sońyna deıin keminde 1000 kólikti satý josparlanyp otyr.
EXEED resmı dılerlik ortalyqtary Almaty, Nur-Sultan, Qostanaı, Aqtóbe jáne Shymkent qalalarynda jumys isteıdi. Dıstrıbıýtordyń habarlaýynsha, qyrkúıek aıynda Atyraý men Qaraǵandyda jańa ortalyqtar ashylady. Al jyl sońyna deıin brend Oral, Aqtaý, Pavlodar jáne О́skemende paıda bolady. Budan ári dılerlik jelini kelesi jyly 14 avtoortalyqqa deıin jáne 2024 jyly 19-ǵa deıin keńeıtý josparlanýda.
