BUU pákistandyqtarǵa gýmanıtarlyq kómek kórsetý josparyn jarııalady. BUU Bas hatshysy Antonıý Gýterrısh halyqaralyq qaýymdastyqqa úndeý jarııalap, 5,2 mln adamǵa azyq-túlik, sý, sanıtarlyq jáne medısınalyq kómek kórsetý úshin 160 mln dollar bólýge shaqyrdy.
«Pákistan azap shegýde», dedi BUU Bas hatshysy Antonıý Gýterrısh beıneúndeýinde. Ol el turǵyndary buryn-sońdy bolmaǵan jańbyr men sý tasqynynan zardap shegip jatqanyn atap ótti.
Pákistan bıliginiń esebi boıynsha, tabıǵı apattan 33 mıllıon adam zardap shekken. Bul – el turǵyndarynyń 15 paıyzy. 50 myńnan astam adam eldiń soltústik-batysyna kóshirildi.
Tabıǵı apattardy basqarý ulttyq agenttiginiń basshysy Ahtar Navaz Pákistandaǵy 160 aýdannyń 72-si tabıǵı apattan zardap shekkenin aıtty. 800 myń gektardan astam aýyl sharýashylyǵy alqaptary sý astynda qaldy.
