Senatorlar ant berdi

Máýlen Áshimbaev el Pre­zı­denti aıqyndaǵan mindetterdi iske asyrý úshin Parlament Senaty belsendi jumys isteýge daıyn ekenin aıtty.

«Joldaýda ekonomıkany ártarap­tandyrý, halyqtyń ál-aýqatyn arttyrý, saıası júıeni ári qaraı reformalaý baǵyttary boıynsha mańyzdy basta­malar aıtyldy. Onyń bári – Jańa Qazaq­­stan qurýǵa arnalǵan naqty qa­dam­dar. Soǵan baılanysty Par­lamentke birqatar zańna­malyq mindet júkteldi. Senat bul baǵytta belsendi jáne tıimdi jumys isteýge daıyn. Bul – bizdiń basty mindetimiz», dedi Máýlen Áshimbaev.

Senat Tóraǵasy bul iste múddeles qurylymdarmen bir­lesip áreket etýdiń mańyzdy ekenine nazar aýdardy.

«Joldaýdy iske asyrý úshin sarapshylar qaýymdastyǵymen, qoǵamdyq ınstıtýttarmen jáne basqa da múddeles taraptarmen birlesip jumys isteýimiz qajet. Májilispen jáne Úkimetpen birge qajetti, sapaly zańdardy ýaqtyly qabyldaýdyń da mańyzy zor», dedi Palata Spıkeri.

Sonymen qatar ol sena­tor­lardyń shilde, tamyz aılarynda óńirlerge jáne shalǵaı aýyldarǵa jasaǵan saparlaryna toqtaldy. Senat Tóraǵasy jurtshylyqpen jáne jergilikti turǵyndarmen kezdesýlerde kóterilgen máse­le­ler Palatanyń aldaǵy sessııa­daǵy jumysynda jan-jaqty es­kerilýi qajet ekenin de atap ótti.

Otyrysta jańadan qurylǵan Abaı, Jetisý jáne Ulytaý ob­lys­­tarynan saılanǵan senator­lar halyqqa ant berdi. Sondaı-aq olar Palatanyń turaqty ko­mı­tetteriniń quramyna saılandy. Soǵan sáıkes Aınur Arǵyn­bekova, Sovetbek Medebaev, Amangeldi Tolamısov Konstı­týsııalyq zań­nama, sot júıesi jáne quqyq qorǵaý organdary komıtetiniń mú­she­leri boldy. Al Baqytjan Baıahmetov – Qarjy jáne bıýdjet komı­te­tiniń, Ǵalıas­qar Sary­baev – Ha­lyq­aralyq qatynas­­tar, qorǵanys jáne qaýipsizdik komı­te­tiniń jáne Serik Shaıdarov Eko­no­mıka­­lyq saıa­sat, ınnovasııa­lyq damý jáne kásipkerlik komı­teti­niń quramyna saılandy.

«Jańadan saılanǵan depýtattardy saılaýdaǵy jeńisterimen quttyqtaımyz. Senat jumysyna belsendi aralasyp, depýtattyq mindetterińizdi abyroımen atqarasyzdar dep senemiz», dedi Máýlen Áshimbaev.