Maqsat – myqty demokratııa ornatý

Bul saıası dástúr, biz de ashyq aıtaıyq, el Prezıdenti Qasym-Jomart Toqaevqa tán. Qazaqstandaǵy bıliktiń barlyq júıesin reformalaý jalǵasyn taýyp keledi. Qoǵam men bılik arasyndaǵy qarym-qatynas týraly túsinikti ózgertetin jańa­lyq kóp. Barlyq bas­qarý salasynda tıimdilik pen tabysqa qol jetkizetin, jaýapkershilikti kúsheıte túsetin jáne demokra­tııalyq qundylyqtardy qa­lyp­tas­tyratyn júıe jumys isteıdi.

Aldaǵy saılaýlardyń bolatynyn aıtýdyń ózi – naǵyz demokratııanyń kórinisi, bul halyqtyq senimdi arttyrady jáne reformalarǵa jol ashady. Sondaı-aq saıası senimdi kúsheıtip, bılikke degen oń kózqarasty nyǵaıtady.

Memleket basshysynyń prezıdent­tik mandatty jeti jyldyq bir merzimge qysqartý týraly usynys úlken saıası jańalyq jáne quptarlyq qadam. Prezı­denttiń bul usynysy ta­laıǵa oı saldy. О́ıtkeni ómirlik tájirı­beniń sabaqtary bárimizge málim.

Joldaýda saıası jańǵyrý men jańǵyrtýdyń aqylǵa qonymdy, qoǵam damýyna tıimdi, halyqtyń suranysyna saı tarıhı qadam­dar jasal­ǵa­nyn atap ótýimiz kerek. Jalpy, osy Joldaýdyń aıasyn­da adamdardyń kókeıinde júr­gen barlyq ózekti másele qam­tyldy jáne bul ózgerister tolyǵymen júzege asyrylady degen senimdemiz.

Parlament aldyna naqty mindetter belgilendi, sondaı-aq Úkimetke, ákimdikterge halyqtyń áleýmettik-ekonomıkalyq jaǵ­daıyn jaqsartyp, tabysyn eselep arttyrý jóninde tapsyrmalar júkteldi.

Qazaqstanda myqty demokratııa ornatýdyń maqsattary qoǵamnyń kóz aldynda kezeń-kezeńmen oryndalyp keledi.

Meırambek TО́LEPBERGEN,

Májilis depýtaty