Tabystan aıyrǵan jol belgisin ornatqan kim?

О́tinishte bıyl shilde aıy­nyń sońynda K.Setkın kóshe­sine jáne oǵan jasparlas jol­dardy da qamtıtyn «júk avto­mobılderiniń qozǵalysyna tyıym salynady» degen jol belgisiniń zańsyz qoıylǵany týraly aıtylǵan. О́ıtkeni atalǵan kásiporyndarǵa baratyn basty jol osy kóshe ǵana. Sondyqtan júk kólikteriniń bul kóshemen júrýi muńǵa aınaldy. 

Aıta ketý kerek, kóshe boıyn­daǵy óndiristik nysandar men ondaǵy qoımalar qansha jyldan beri jumys istep keledi. Bul – un, tehnıka, qurylys materıal­dary jáne basqa da tutyný taýarlaryn óndirý, jetkizý men saqtaýda qalanyń ózindik bir logıstıkalyq haby. Sebebi qoı­maǵa taýarlar temirjol vagondarymen jetkizilip, kúndelikti júk kólikterimen jan-jaqqa tasymaldanady.

«Bizdiń ónimderdi kún saıyn klıentterimiz júk kólikterimen tasyp áketedi. Sonymen birge ózimizge Almaty men Reseıden kún saıyn júk tasyǵysh aýyr kólikter shıkizat taýarlaryn ákeledi. Endi álgi júk kólikterine tyıym salatyn jol belgisi paıda bolǵaly mashınalar bizge kire almaı qaldy, jolda júrgenin kórse jol polısııasy dereý toqtatady. Sondyqtan bul jol belgisi qolymyzdy baılap, aıaǵymyzǵa tusaý bolyp otyr», deıdi kásipkerler óz shaǵymynda.

Atalǵan másele boıynsha palata mamandary qalalyq polısııa departamenti ákimshilik polısııa basqarmasynyń jol-tehnıkalyq ınspeksııa bólimimen habarlasty. Belgili bolǵandaı, avtojoldyń osy ýchaskesinde jol belgisin ornatý týraly nusqama polısııa departamentine qarasty bólim tarapynan berilmegen. Sonda nusqama qaıdan kelgen?! Budan bólek, iri kompanııalardyń klıentterinen, memlekettik qazyna salyqtyq túsimderinen aıyrylǵany úshin kim jaýap beredi, kináli kim degen saýalyna da naqty jaýap tabylmady.

Deı turǵanmen, osyǵan qa­tys­ty másele kásipkerler pala­tasynyń janyndaǵy kásipkerler quqyǵyn qorǵaý jáne sybaılas jemqorlyqqa qarsy is-áreket jó­nindegi keńestiń qaraýyna usy­nyldy. О́ıtkeni mundaı oqı­­ǵa jıilep ketken. Sonyń sa­l­da­­rynan kásipkerlerdiń jumy­syna kedergisin keltire bas­tady. Ásirese halyqty birinshi qajettiliktegi ónimdermen qam­ta­masyz etetin eldiń iri eksporttaýshylary men otandyq
taýar óndirýshileriniń quqyqtary men zańdy múddelerine nuqsan keltirdi.

Osy rette keńes otyrysyna qatysqan Shymkent qalasy prokýrorynyń birinshi orynbasary Nurjan Seıdalıev K.Set­kın kóshesindegi jol bel­gisi jaqyn ýaqytta alynatynyna jáne sol mańaıdaǵy joldar da júk kólikteriniń kedergisiz qozǵalysyn qamtamasyz etý úshin tekseriletinine ýáde berdi. Keńes otyrysy aıaqtalǵan soń shamamen bir saǵattaı ýaqyt ótkende kásipkerlerdiń «bas aýrýyna» aınalǵan jol belgisiniń alynyp tastalǵany týraly habar keldi. 

Bul rette palata sarapshy­lary tyıym salatyn jol belgi­sin negizsiz belgileý kásip­oryn­dardyń qyzmetine teris áser etetinin jáne bıznes sýbek­tileri úshin qosymsha qarjy shy­ǵyndaryna ákep soǵatynyn aıtyp otyr.

– Iá, elimizde oryn alǵan qańtardaǵy qaıǵyly oqıǵalardyń saldary jáne Reseı men Ýkraı­na arasyndaǵy jaǵdaıdyń shıelenisýi kásipkerlik bel­sendiliktiń tómendeýine, qarjy­lyq quldyraýǵa, debıtorlyq bereshektiń ósýine, sharttyq mindettemelerdiń oryndalmaýyna, jumys oryndarynyń qysqarýyna, sondaı-aq eko­no­mıkanyń jekelegen salala­ryndaǵy taýarlarǵa, qyzmetterge jáne jumystarǵa tutynýshylyq suranystyń tómendeýine alyp keldi. Osyndaı jaǵdaıda kásip­kerlerdiń jolyn bógemeı, kerisinshe qoldaý bildirý kerek, – deıdi palata janyndaǵy turaqty keńestiń tóraǵasy Meles Seıitjanov.

О́z kezeginde Memleket bas­shy­synyń talaptaryn oryn­daý jáne otandyq bıznesmen­derdiń tolyqqandy jáne báse­ke­ge qabiletti bolýy úshin jaǵ­­daı­laryn jaqsartý, jańa ju­mys oryndaryn qurý, respýblı­kada ımportty almastyrý jáne azyq-túlik qaýipsizdigin qamta­masyz etý boıynsha júr­gi­zilip jatqan jumystarǵa qaramastan, is júzinde bızneste ákimshilik kedergiler áli de bar jáne olardyń kópshiligi jasandy túrde jasalýda, deıdi palata ókilderi.

ShYMKENT