36 jastaǵy AQSh sportshysy 2011-2018 jyldar aralyǵynda UFC-de kúsh synasyp, óz salmaǵynda qarsylas shaq keltirmedi. «Kúshti tyshqan» degen janama atqa ıe Demetrıýs sol ataǵyn 11 márte sátti qorǵap, atalǵan uıymnyń rekordyn jańartty. 2018 jyldyń jazynda Genrı Sehýdodan upaı sanymen utylǵannan soń ol ONE FC-ge aýysty. Alǵashqy úsh kezdesýde jeńiske jetkenimen, byltyr kóktemde brazılııalyq Adrıano Moraeske ese jiberdi. Ústimizdegi jyldyń 27 tamyzynda qos myqtynyń joly qaıta túıisti. Bul joly Djonson Moraesty tizemen teýip, esinen tandyrdy. Osylaısha, amerıkalyq sańlaq altyn belbeýdi beline taqty. Aralas jekpe-jekten barlyǵy 37 kezdesý ótkizgen Demetrıýs 32 ret jeńiske jetip, 19 qarsylasyn sulatyp saldy. Tórt ret utylyp, bir básekede teń esep tirkeldi.
34 jastaǵy Qaırat Ahmetov te kezinde ONE FC-diń chempıony bolǵan. Keıinnen qandasymyz ol ataqtan aıyryldy. Desek te qazaq jigitiniń sońǵy kezdegi qarqyny qýantarlyq. 2008 jyldan beri bes ret jekpe-jekke shyqqan Qaırat sol básekelerdiń barlyǵyn óz paıdasyna sheshti.
