«Shtabtyń jumysyn Qostanaı oblysy ákiminiń birinshi orynbasary Ǵáýez Nurmuhambetov basqarady. Quramyna Tótenshe jaǵdaılar departamentiniń, Ishki ister departamentiniń, Prokýratýranyń jáne Qostanaı oblysy ákimdiginiń ókilderi, sondaı-aq jumysqa tartylǵan ózge de memlekettik organdar kirdi.
Aqparattyq shtab aımaqtaǵy jaǵdaı týraly jedel jáne durys aqparatpen qamtamasyz etedi. Bul úshin shtab órt sóndirýge, adamdardy qutqarý men evakýasııalaýǵa, zardap shekkenderdi jańa oryndarǵa ornalastyrýǵa, quqyqtyq tártipti jáne azamattardyń múlkin saqtaýdy qamtamasyz etýge tartylǵan memlekettik organdardan kelip túsetin aqparatty úılestirý ókilettigine ıe», dep jazdy Asqar Omarov.
QR Prezıdenti janyndaǵy Ortalyq Kommýnıkasııalar Qyzmeti Qostanaı oblysy Aqparattyq shtabyna tolyqtaı kómek kórsetýde, onyń ishinde ádistemelik qoldaý da berilýde.
Anyqtama retinde, shtab Qostanaı oblysy boıynsha tótenshe jaǵdaı kezeńinde jáne jaǵdaı tolyq turaqtalǵanǵa deıin jumys isteıdi.
BAQ ókilderi jedel aqparatty Aqparattyq shtabqa habarlasý arqyly ala alady, jaýapty qyzmetkerdiń uıaly nómiri 8 (777) 796 00 50.
