Sýretti túsirgen Gúlmıra SÁRSENǴALIEVA
Bul avtobýstar aýyldyq jerde turatyn, mektepke barý úshin alys jol júrýge týra keletin oqýshylarǵa arnalǵan. Balalar jylyna oraılastyrylǵan ıgi is respýblıkalyq bıýdjettik komıssııasynyń sheshimine sáıkes atqarylyp otyr.
О́ńirde óz mektebi joq 73 eldi mekende 4 062 bala turady. Olar bilim alýy úshin kún saıyn ár jerdegi 56 mektepke kólikpen jetkiziledi. Mine, osy balalardy tasymaldaý úshin lızıng arqyly jańa avtokólikter alynǵan.
– Memleket basshysy Qasym-Jomart Toqaev bıylǵy jyldy Balalar jyly dep jarııalaǵan bolatyn. Elimizdiń erteńin qalaıtyn jasóspirimderdiń sapaly bilim alýy jáne qaýipsizdigin qamtamasyz etý úshin qolaıly jaǵdaı jasaýymyz qajet. Osy oraıda, oqýshylardy mektepke kúndelikti tasymaldaýdy sapaly uıymdastyrý jáne avtokólikterdi jańartý maqsatynda oblysqa jańa 56 avtobýs beriledi. «PAZ» markaly avtobýsyn Aqjaıyq, Báıterek, Jańaqala, Qaztalov, Syrym aýdandarynyń mektepterine saltanatty túrde tabystaımyz. Jańa kólikter oqýshylarymyzdyń ıgiligi úshin qyzmet etsin! Oqý jyly tabysty bolsyn! – dedi oblys ákiminiń orynbasary Baqytjan Narymbetov.
Búginde jańa avtobýstardyń ekeýi Syrym jáne Jańaqala aýdandaryna jetkizildi. Báıterek jáne Aqjaıyq aýdanyna – ekeýden, Qaztalov aýdanyna úsh avtobýs buıyrdy. Bul – 21 oryndyq PAZ markaly avtokólikter.
– Avtobýstardy lızıng arqyly satyp alý úshin jalpy kólemi 2 mlrd 799 mln 599,7 myń teńge bólindi. Qalǵan 45 avtobýs qarashanyń aıaǵyna deıin jetkiziledi dep josparlanýda, – dedi oblystyq bilim basqarmasynyń bólim basshysy Lýara Batyrǵalıeva. Aıta keteıik, mektep jasyndaǵy balalardy tasymaldaýǵa arnalǵan bul avtobýstar 56 mekteptiń quzyryna beriledi.
Batys Qazaqstan oblysy
