Alǵashqy match «Shahter» men «Taraz» arasynda ótti. Básekeniń taǵdyryn avtogol sheshti. 16 mınýtta qonaqtardyń qorǵaýshysy Nurlan Daıyrov óz qaqpasyna dop soqty – 1:0. Odan keıin tablodaǵy esep ózgergen joq. «Atyraý» óz alańynda «Kaspııdi» qabyldady. Bir saǵatqa jýyq ýaqyt boıy tizgindi óz qoldarynda berik ustaǵan qonaqtar 18 jáne 51-mınýttarda mergendik tanytty. Eki goldyń da avtory – Ivan Peshıch. Sol sátte ǵana esterin jıǵan atyraýlyqtar damylsyz shabýyldap, aqyrynda mańyzdy úsh upaıǵa qol jetkizdi. 59-mınýtta Iýrıı Zavezın esep aıyrmashylyǵyn qysqartsa, 65 jáne 86-mınýttarda Andrııa Fılıpovıch nysanany dál kózdedi – 3:2.
Shymkentte «Ordabasy» Túrkistannyń «Turanyna» ese jiberdi. Eń ókinishtisi, birinshi taım bel ortadan aýǵanda alań ıeleri eki dop jiberip aldy. Úzilisten keıin «Ordabasynyń» oıynshylary bir márte mergendik tanytty. Biraq odan árige olardyń álderi jetpedi – 1:2. «Aqsý» men «Maqtaral» arasyndaǵy matchta alty gol soǵyldy. Nátıjesinde, 4:2 esebimen alǵashqylary jeńiske jetti. Bul kezdesýde Erkebulan Tuńǵyshbaev het-trık jasady.
