Qytaıdyń batysyndaǵy Sychýan provınsııasynda 6,8 balldyq jer silkinisi boldy. Qytaıdyń seısmologııalyq jeliler ortalyǵynyń habarlaýynsha, dúmpýler Gardzeniń batysynda-Tıbet avtonomııalyq okrýginde tirkelgen. Jer silkinisiniń oshaǵy 16 km tereńdikte ornalasqan.
Jergilikti BAQ-tyń habarlaýynsha, oqıǵa ornyna Lýdınnen jáne jaqyn mańdaǵy 530 eldi mekennen qutqarýshylar jiberilgen.
Silkinis saldarynan kóz jumǵandar týraly habarlamalar áli de kelip túsýde. Ganzada 29 adam, Iаanda 17 adam qaıtys boldy. Taǵy 16 azamat habar-osharsyz ketken.
QHR tóraǵasy Sı Szınpın apattan zardap shekkenderdi qutqarý úshin barlyq kúsh-jigerdi jumyldyrýǵa shaqyrdy. О́mirdi saqtaý jáne adam qurbandaryn azaıtý basty mindet ekenin basa aıtqan Sı Szınpın dúmpýlerge daıyn bolý jáne barynsha saq bolý qajettiligin atap ótti.
Apat aımaǵyna Lýdınnen 30 qutqarýshy jáne jaqyn mańdaǵy eldi mekenderden 530 qutqarýshy jumyldyryldy.
Ganzı-Tıbet avtonomııalyq aýdany qutqarý jumystaryn júrgizý úshin aımaqqa 635 polısııa, órt sóndirý, densaýlyq saqtaý, baılanys, elektrmen jabdyqtaý jáne kólik qyzmetkerlerin jiberdi.
Epısentrden 20 shaqyrym radıýsta 39 myń adam, 50 kılometrde - 330 myń adam, 100 kılometrde - 1,55 mıllıon adam turatyny anyqtaldy.
Aıta ketsek, Sychýan provınsııasy Qytaıdyń eń seısmıkalyq qaýipti aımaqtarynyń biri retinde belgili. 2008 jyldyń mamyrynda bul aımaqta 8 balldyq jer silkinisi boldy. Nátıjesinde 87 150 adam qaıtys bolyp, 374 myń adam jaraqat aldy, birneshe mıllıon adam baspanasyz qaldy.
