Ana tilin ardaqtaýdyń bastaýyndaǵy Ahań

«Búgin bir keremet ǵajaıyp kún. Sebebi ult ustazy, Alashtyń kó­­se­mi, Ahmet Baıtursynulynyń tý­ǵan kúni. Mine, merekemiz Nur-Sul­tan qa­­lasy ákimdigi, Ǵylym jáne jo­ǵary bilim mınıstrligi jáne basqa da qu­­zyrly organdar, zııaly qaýym ókil­­deri, Jazýshylar odaǵy­men bir­­­le­­sip, elordadaǵy Qalamgerler ­al­­leıa­­­synda ornalasqan «Alash qaırat­ker­­­­leri» eskertkishine gúl shoqta­­ryn qoıý rásimimen bastaldy. Igilikti ­is-shara L.N.Gýmılev atyndaǵy Eýra­zııa ulttyq ýnıversıtetinde ǵylymı ­kon­ferensııamen jalǵasty. Sonymen qatar «Memlekettik til jáne BAQ» baı­qaýynyń qorytyndysy shyqty. Búgingi mereke respýblıka boıynsha toılanyp jatyr. Ahmet Baıtursynuly­nyń elge sińirgen eńbegine mán bersek, bul ulttyń, jasampazdyqtyń, má­denı ıntellektýaldyń merekesi deýge bolady. Sebebi balalarymyz mektepke baryp jatyr, jastary­myz shetelde bilim alyp jatyr, qazaq­tyń bilimi men mádenıetiniń óri­si ke­ńeıip jatyr. Sonyń basynda tur­ǵan tulǵalarymyzdyń biri – Ahmet Baı­tur­synuly. Ol kisiniń eń­bek­teri sol za­manmen qalǵan joq, búginge je­tip, biz paıdalanyp júrmiz. Onyń ta­ǵy­lymdy izi saırap jatyr», dedi Sh.Shaıah­me­tov atyndaǵy «Til-Qa­zy­na» ulttyq ǵy­lymı-praktıkalyq or­ta­lyǵynyń bas dırektory Erbol Tileshov.

Eske sala keteıik, Qazaqstan halqy tilderiniń HHIV qalalyq festıvali aıasynda qyrkúıek aıynyń sońyna de­ıin elordada Ahmet Baıtursynulynyń týǵan kúnine jáne til merekesine oraı ártúrli formatta is-sharalar ótkizý jos­parlanǵan.

«Qońyr kúzde elordamyzda jyl saıyn Tilder merekesi bastalady. Mu­nyń bir jaǵy sımvolıkalyq máni bar. Ol o basta qazaqtyń tili, qazaqtyń taǵ­dyry úshin shyryldaǵan ult­tyń rýhanı kósemi, ult ustazy Ahmet Baı­tursynulynyń týǵan kúnine oraı uıym­­dastyrylǵan. Sondyqtan búgingi merekeniń mańyzy zor. Bir jaǵy Ahań bastaǵan Alash arystaryna qurmet, iltıpat kórsetý. Bıyl IýNESKO kóle­mindegi Ahmet Baıtursynulynyń 150 jyldyq merekesi toılanyp, ár óńirde Ahańnyń qurmetine túrli is-sharalar ótýde. Bul kisiler eldiń erteńi úshin altyn bastaryn báıgege tikti jáne sol jolda qurban boldy. Sondyqtan bú­gingi urpaqtyń sanasynda, keleshek urpaq­tyń jadynda Ahańdardyń eren erligi saqtalýy kerek jáne odan tálim alý kerek», dedi Jazýshylar odaǵynyń elordadaǵy fılıalynyń basshysy Dáýletkereı Kápuly.

Gúl qoıý rásiminen keıin Ádiletti Qa­zaq­stannyń memleketshil-ıdeo­lo­gııa­lyq, ǵylymı-ıntellektýaldyq, mádenı-ta­nymdyq izdenisin, tájirıbesin, ále­ýe­tin tanymaldandyrý oraıynda Ahmet Baıtursynuly murasyn jańa­sha zert­tep-zerdeleý, til bilimi men áde­­bıetta­ný kóshbasshysynyń ǵylymı qaǵı­dat­taryn, tujyrymdamala­ryn bilim, mádenıet, t.b. baǵyttarda ­sala­­landy­rý, ahmettanýshylardyń jańa býy­­nyn qalyptastyrýǵa septesý, joǵary jáne orta mekteptiń A.Baı­­tursynuly mu­rasyn oqý jáne tár­bıe úderisinde paıdalanýǵa baılanys­ty tájirıbesin talqylaý jáne ozyq táji­rıbelerdi na­sıhattaý maqsatynda L.N.Gýmılev atyndaǵy Eýrazııa ulttyq ýnı­ver­sıtetiniń uıymdastyrýymen Ahmet Baıtursynulynyń 150 jyldyǵyna arnalǵan ǵylymı konferensııa ótti.