Ortalyq stadıonda «Qaırat» «Tobyldy» qabyldady. Birinshi taımda Igor Sergeev pen Aıbar Jaqsylyqov eki gol soǵyp, qostanaılyqtardy alǵa shyǵardy. Úzilisten keıin Artýr Shýshenachev esep aıyrmashylyǵyn qysqartqan kezde almatylyq jankúıerler, eń bolmaǵanda, teń nátıjege qol jetkizemiz dep oılady. Biraq Sergeeev taǵy bir ret mergendik tanytty. Básekeniń sońynda Gúljigit Alyqulov 11 metrlik núkteden nysanany dál kózdedi. Esep – 2:3. Kósh basyndaǵy «Aqtóbe» osy týrda kósh sońyndaǵy «Qyzyljardy» aıqyn basymdyqpen utatynyna eshkimniń kúmáni bolǵan joq. Biraq qonaqtar ońaılyqpen aldyrmady. Olar kezdesýdiń sońǵy mınýttaryna deıin saýatty qorǵandy. Desek te myqtynyń aty myqty ǵoı, 89 mınýtta Jerar Goý jeńis dobyn soqty – 1:0. «Astana» Oraldyń «Aqjaıyǵynyń» qaqpasyna jaýapsyz tórt gol saldy. Onyń avtorlary – Denıs Polıakov, Pedro Eýjenıo (eki ret), Marın Tomasov. Bir ǵajaby, sońǵy úsh goldy elordalyq fýtbolshylar sońǵy alty mınýtta soqty.
Jarys kestesinde «Aqtóbe» birinshi orynda keledi. Olar 18 oıynnan keıin 38 upaı jıdy. Ekinshi oryndaǵy «Astananyń» odan tórt upaıy kem. 32 upaıdy qorjynǵa salǵan «Tobyl» úshinshi satyǵa jaıǵasty. Tórtinshi jáne besinshi oryndardy «Shahter» men «Qaırat» ózara bólisýde. Ekeýinde de 27 upaıdan bar.
