Astana turǵyny memlekettik tildi mensinbegen bankpen bir jyl sottasty

ASTANA. 14 mamyr. Astanalyq Rýza Beısenbaıtegi memlekettik tildi mensinbegen bankpen bir jyl boıy sottasyp, aqyry jeńip shyqty. Bul týraly Nur.kz habarlady. Rýza Beısenbaıtegi men «Sesnabank» arasyndaǵy daý-damaı 10 aıǵa jalǵasqa. Pavlodar qalasyndaǵy bank bólimderiniń birine salyq tólemek bolǵan kásipkerge «Sesnabank» qyzmetkerleri  «aty-jónińiz qazaqsha bolǵandyqtan qyzmet kórsete almaımyz» degen mazmunda syltaý aıtqan. Buǵan namysy kelgen Rýza Beısenbaıtegi «Memlekettik til týraly» Zańǵa júgingennen keıin ǵana bank qyzmetkerleri onyń qujattaryn qabyldaǵan. Alaıda, salyq tóleýshige berilgen qujattaǵy onyń aty-jóni jazylatyn tus túsiniksiz belgilermen toltyrylady. Munyń sebebin, bankte memlekettik tilde jazatyn baǵdarlama joq dep túsindirgen. Ana tiliniń óz elinde osynshama shetqaqpaı kórgenine jany kúıgen  Rýza Beısenbaıtegi Astanadaǵy Saryarqa aýdandyq sotqa shaǵymdanyp, nátıjesinde jeńiske jetedi. Sottyń sheshimmen kelispegen «Sesnabank» ókilderi isti qaıta qaraýǵa ótinish túsiredi. Alaıda, sot qabyldanǵan sheshimdi ózgerissiz qaldyrǵan. Sot uıǵarymyna sáıkes, «Sesnabank» Rýza Beısenbaıtegine 56 myń teńge moraldyq ótemaqy tóleıtin boldy. Joldybaı Bazar. Derekkóz: Nur.kz. Foto: Nur.kz.