Bul básekede AQSh-tyń EF Education-EasyPost klýbynyń sapyndaǵy 35 jastaǵy kolýmbııalyq veloshabandoz Rıgoberto Ýran aldyna jan salmady. Onyń ýaqyty – 3 saǵat 42 mınýt 28 sekýnd. Groupama-FDJ ujymynyń úzdigi Kventın Pacher ekinshi oryn alsa, Cofidis komandasynyń múshesi, ıspanııalyq Hesýs Errada úshinshi satyǵa taban tiredi. Bul klýbtardyń ekeýiniń de irgetasy Fransııada qalanǵan.
Jalpy esepte biraz ózgeris bar. Ataǵy alysqa jaıylǵan Prımoj Roglıch (Jumbo-Visma) úzdik úshtiktiń qatarynan shyǵyp qaldy. Slovenııa sportshysynyń orny Ispanııanyń ókili Hýan Aıýsaǵa (UAE Team Emirates) buıyrdy. Pıreneı túbeginiń taǵy bir ókili Enrık Mas (Movistar Team) ekinshi satyǵa jaıǵasty. Al kósh basyndaǵy belgııalyq Remko Evenepýl (Quick-Step Alpha Vinyl Team) áli de eshkimge ese jiberer emes. «Astananyń» serkesi Mıgel Anhel Lopes taǵy bir satyǵa joǵarylap, besinshi oryndy ıelendi.
