Endi qoldanýshy saıttyń basty betinde birneshe tetikti basý arqyly ǵana jobany qarjylandyrýǵa ótinim bere alady. О́tinishpen birge KEU jáne ótinish berýshi, onyń jobasy týraly aqparat pen qujattary qosa berilýi tıis. Barlyq aqparat qazaq, orys jáne aǵylshyn tilderinde qoljetimdi.
Usynylǵan qujattardy Samruk-Kazyna Trust mamandary tekseredi. Bul prosess 15 jumys kúninen aspaıdy. Osydan keıin árbir ótinim boıynsha túpkilikti sheshimdi qordyń Qamqorshylyq keńesi qabyldaıdy, onyń quramy saıtta kórsetilgen. Onyń bir múshesi – belgili qoǵam qaıratkeri, Senat depýtaty Lázzat Qaltaeva. Barlyq úmitker keńes otyrystaryna qatysyp, jobalaryn onlaın jáne oflaın rejimde qorǵaı alady.
Samruk-Kazyna Trust saıty jańartylǵannan keıin kóp uzamaı alǵashqy KEU qarjylandyrýǵa qol jetkizdi. Atap aıtar bolsaq, jastarǵa psıhologııalyq qıyndyqtardy jeńýge jáne kásibı bilim alýǵa kómektesetin Nur-Sultandaǵy Bilim Foundation, sondaı-aq Atyraýdan mıy jáne julyny zaqymdanǵan balalarǵa ıppoterapııa ádisi arqyly kómektesýmen aınalysatyn «Malenkaıa strana» uıymdary jobalaryna qoldaý tapty.
